ಕೆಪಿಸಿಸಿ ವಿಸರ್ಜನೆ ಉತ್ತಮ ನಿರ್ಧಾರ: ಅಜಯಸಿಂಗ್‌

ಕಲಬುರಗಿ: ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ ಸಮಿತಿ ವಿರ್ಸಜನೆ ಮತ್ತು ಪುನಾರಚನೆ ಬಹಳ ದಿನಗಳಿಂದ ಬಾಕಿ ಉಳಿದಿತ್ತು. ಇದಕ್ಕೆ ಈಗ ಕಾಲ ಕೂಡಿ ಬಂದಿದೆ ಎಂದು ಜೇವರ್ಗಿ ಶಾಸಕ, ದೆಹಲಿ ವಿಶೇಷ ಪ್ರತಿನಿಧಿ ಡಾ| ಅಜಯಸಿಂಗ್‌ ತಿಳಿಸಿದರು.

ಸುದ್ದಿಗಾರರೊಂದಿಗೆ ಮಾತನಾಡಿ, ಪಕ್ಷದ ಸಂಘಟನೆ ಪ್ರಮುಖವಾಗಿದ್ದು, ಕೆಳಹಂತದಿಂದ ಸಂಘಟಿಸಬೇಕಾಗಿದೆ. ಇದರಿಂದ ಮೊದಲಿನಂತೆ ಕಾಂಗ್ರೆಸ್‌ ಪಕ್ಷ ಮೇಲೆದ್ದು ಬರುವಲ್ಲಿ ಎರಡು ಮಾತಿಲ್ಲ. ಪಕ್ಷ ಸಂಘಟನೆಗೆ ಯಾವುದೇ ಜವಾಬ್ದಾರಿ ನೀಡಿದರೂ ನಾನು ನಿಭಾಯಿಸಲು ಸಿದ್ಧ ಎಂದರು.

ಪುನಾರಚನೆ ಪಕ್ಷದ ತೀರ್ಮಾನ: ಈ ನಡುವೆ ಶಿವಮೊಗ್ಗದಲ್ಲಿ ಸುದ್ದಿಗಾರರ ಜತೆ ಮಾತನಾಡಿದ ಸಚಿವ ಕೃಷ್ಣಬೈರೇಗೌಡ, ಕೆಪಿಸಿಸಿ ಪುನರ್‌ ರಚನೆ ಮಾಡಬೇಕು ಎಂಬುದು ಪಕ್ಷದ ತೀರ್ಮಾನ. ಅದಕ್ಕಾಗಿಯೇ ಎಲ್ಲಾ ಸಮಿತಿಗಳನ್ನು ರದ್ದುಗೊಳಿಸಿದ್ದಾರೆ. ಸಮರ್ಥವಾಗಿ ಪಕ್ಷ ಸಂಘಟಿಸುವವರನ್ನು ನೇಮಕ ಮಾಡಲಿದ್ದಾರೆ. ಆ ಮೂಲಕ ಪಕ್ಷದ ಪುನರ್‌ ಸಂಘಟನೆ ಆಗಬೇಕಿದೆ ಎಂದರು.