ಗ್ರಾಮಾಭಿವೃದ್ಧಿ ಖಾತೆ ಇಷ್ಟ: ಕೋಟ ಶ್ರೀನಿವಾಸ ಪೂಜಾರಿ

ಸಚಿವ ಸ್ಥಾನ ದೊರೆಯುವ ನಿರೀಕ್ಷೆ  ಇತ್ತಾ?

ಮೂರು ಬಾರಿ ವಿಧಾನಪರಿಷತ್‌ ಸದಸ್ಯನಾಗಿ, 2 ಬಾರಿ ಸಚಿವನಾಗಿ ಹಾಗೂ ಒಂದು ಬಾರಿ ವಿಪಕ್ಷ ನಾಯಕನಾಗಿ, ಸಭಾ ನಾಯಕನಾಗಿ ಯಶಸ್ವಿಯಾಗಿ ಕಾರ್ಯ ನಿರ್ವಹಿಸಿದ್ದೆ. ಹೀಗಾಗಿ ಸಹಜವಾಗಿ ಮಂತ್ರಿಯಾಗುವ ನಿರೀಕ್ಷೆ ಇತ್ತು. ಆದರೆ ಮಾಧ್ಯಮಗಳಲ್ಲಿ ಪ್ರಕಟವಾದ ಸುದ್ದಿಗಳಿಂದ ಸ್ವಲ್ಪಮಟ್ಟಿಗಿನ ಆತಂಕವಿತ್ತು.

ಯಾವುದಾದರೂ ಖಾತೆಯ ನಿರೀಕ್ಷೆ ಇದೆಯಾ?

ಸರಕಾರ ಈ ಹಿಂದೆ ನೀಡಿದ ಧಾರ್ಮಿಕ ದತ್ತಿ ಹಾಗೂ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಅತ್ಯಂತ ದೊಡ್ಡ ಖಾತೆಯಾಗಿದೆ. ಇದನ್ನು ಹೊರತುಪಡಿಸಿ ಗ್ರಾಮೀಣಾಭಿವೃದ್ಧಿ ಖಾತೆಯನ್ನು ನೀಡಿದರೆ ಸಂತೋಷದಿಂದ ಕಾರ್ಯನಿರ್ವಹಿಸುವೆ.

ಮುಜರಾಯಿ ಖಾತೆ ಮತ್ತೆ ಸಿಗಬಹುದಾ ?

ಮುಜರಾಯಿ ಖಾತೆಗೆ ಯಾರೂ ಬೇಡಿಕೆ ಸಲ್ಲಿಸುವುದಿಲ್ಲ ಎಂಬ ಧೈರ್ಯ ಇದೆ. ಹೀಗಾಗಿ ಅದು ನನ್ನಲ್ಲೇ ಉಳಿಯಬಹುದು.

ಮಂತ್ರಿಯಾಗಿದ್ದಕ್ಕೆ ಯಾರಿಗೆ ಕೃತಜ್ಞತೆ ಸಲ್ಲಿಸುತ್ತೀರಿ ?

ಓರ್ವ ಸಾಮಾನ್ಯ ಕಾರ್ಯಕರ್ತನ ಕಾರ್ಯವೈಖರಿಯನ್ನು ಗಮನಿಸಿ ಮತ್ತೆ ಅವಕಾಶ ನೀಡಿದ ರಾಜ್ಯಾಧ್ಯಕ್ಷ ನಳಿನ್‌ ಮುಖ್ಯಮಂತ್ರಿ ಬೊಮ್ಮಾಯಿ, ಸಿ.ಟಿ.ರವಿ, ಕೇಂದ್ರ ನಾಯಕರಿಗೆ ಹಾಗೂ ಪಕ್ಷ ಹಾಗೂ ಸಂಘಟನೆಗೆ ಕೃತಜ್ಞತೆ ಸಲ್ಲಿಸುತ್ತೇನೆ.