Kota ಚಿಟ್ಟಿಬೆಟ್ಟು ಪರಿಶಿಷ್ಟ ಪಂಗಡ ಮನೆ ನಿರ್ಮಾಣಕ್ಕೆ ಕೋಟ ಮಸೀದಿ ನೆರವು

ಕೋಟ: ಇಲ್ಲಿನ ಚಿಟ್ಟಿಬೆಟ್ಟಿನಲ್ಲಿ ಪರಿಶಿಷ್ಟ ಪಂಗಡದ ಹಲವು ಕುಟುಂಬಗಳು ಹಳೆಯ ಗುಡಿಸಲಿನಲ್ಲಿ ವಾಸವಾಗಿದ್ದು, ಅವರಿಗೆ ಕೋಟತಟ್ಟು ಗ್ರಾ.ಪಂ. ನೇತೃತ್ವದಲ್ಲಿ ದಾನಿ ಗಳ ಸಹಕಾರದಿಂದ 8 ಹೊಸ ಮನೆ ನಿರ್ಮಿಸಲಾಗುತ್ತಿದೆ. ಈ ಕಾರ್ಯಕ್ಕೆ ಸಹಾಯವಾಗಿ ಕೋಟ ಜಾಮಿಯಾ ಮಸೀದಿ ವತಿಯಿಂದ 25 ಸಾವಿರ ರೂ. ಸಹಾಯಧನ ನೀಡಲಾಯಿತು.

ಮಸೀದಿಯ ಅಧ್ಯಕ್ಷ ಕೆ.ಎಂ. ಸಲೀಂ ಚೆಕ್‌ ಹಸ್ತಾಂತರಿಸಿ, ಗ್ರಾ.ಪಂ. ವತಿಯಿಂದ 8 ಮನೆಗಳ ನಿರ್ಮಾಣ ಕಾರ್ಯ ಅತ್ಯಂತ ಶ್ಲಾಘನೀಯ. ಜಾತಿ-ಮತ-ಧರ್ಮವನ್ನು ಮೀರಿದ ಮನುಜ ಪ್ರೀತಿ ಇಂದಿನ ಅಗತ್ಯ. ಆ ನಿಟ್ಟಿನಲ್ಲಿ ಜಾಮೀಯಾ ಮಸೀದಿ ವತಿಯಿಂದ ಈ ಸಹಕಾರ ನೀಡಲಾಗುತ್ತಿದೆ ಎಂದರು.

ಕೋಟತಟ್ಟು ಗ್ರಾ.ಪಂ. ಅಧ್ಯಕ್ಷ ಸತೀಶ್‌ ಕುಂದರ್‌ ಬಾರಿಕೆರೆ, ಉಪಾಧ್ಯಕ್ಷೆ ಸರಸ್ವತಿ, ಗಣ್ಯರಾದ ಸೀತಾ, ರವೀಂದ್ರ ರಾವ್‌, ಬಶೀರ್‌, ವಾಹಿದ್‌ ಆಲಿ, ಅಬ್ದುಲ್‌ ಬಶೀರ್‌, ಅಬ್ದುಲ್‌ ಸಿರಾಜ್‌ ಬಾರಿಕೆರೆ, ಇಬ್ರಾಹಿಂ ಪಡುಕೆರೆ ಇದ್ದರು.