ಟೂರ್‌ ಪ್ರಶಸ್ತಿ ಭಾರತೀಯಳಿಗೆ ಒಲಿದೀತೇ ಎಂಬುದೊಂದು ಕುತೂಹಲ.
Advertisement
2017ರಲ್ಲಿ ಕೊರಿಯಾ ಓಪನ್‌ ಚಾಂಪಿಯನ್‌ ಆಗಿದ್ದ ಪಿ.ವಿ. ಸಿಂಧು, 400,000 ಡಾಲರ್‌ ಬಹುಮಾನ ಮೊತ್ತದ ಈ ಟೂರ್ನಿಯ ಮೊದಲ ಪಂದ್ಯದಲ್ಲಿ ಚೀನೀ ಮೂಲದ ಅಮೆರಿಕನ್‌ ಆಟಗಾರ್ತಿ ಬೀವೆನ್‌ ಜಾಂಗ್‌ ವಿರುದ್ಧ ಆಡಲಿದ್ದಾರೆ. ಬಸೆಲ್‌ ವಿಶ್ವ ಚಾಂಪಿಯನ್‌ಶಿಪ್‌ ಪ್ರಶಸ್ತಿಯ ಹಾದಿಯಲ್ಲಿ ಜಾಂಗ್‌ ಅವರಿಗೆ ಸಿಂಧು ಸೋಲಿನ ರುಚಿ ತೋರಿಸಿದ್ದರು.
8ನೇ ಶ್ರೇಯಾಂಕದ ಸೈನಾ ನೆಹ್ವಾಲ್‌ ಕೂಡ ಕಣದಲ್ಲಿದ್ದಾರೆ. ಆದರೆ ಇತ್ತೀಚಿನ ಗಾಯದ ಸಮಸ್ಯೆಗಳು ಅವರ ಫಾರ್ಮ್ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿವೆ. ಕಳೆದ ವಾರದ ಚೀನ ಓಪನ್‌ ಸೇರಿದಂತೆ ಮಲೇಶ್ಯ ಓಪನ್‌, ನ್ಯೂಜಿಲ್ಯಾಂಡ್‌ ಓಪನ್‌, ಸುದೀರ್ಮನ್‌ ಕಪ್‌ ಕೂಟಗಳಲ್ಲಿ ಮೊದಲ ಸುತ್ತಿನಲ್ಲೇ ಎಡವಿದ್ದರು. ಸೈನಾ ಅವರ ಮೊದಲ ಸುತ್ತಿನ ಎದುರಾಳಿ ಕೊರಿಯಾದ ಕಿಮ್‌ ಗಾ ಯುನ್‌.