Koppala; ಗವಿಮಠದಲ್ಲಿ ಬೃಹತ್ ಕಾಯಕ ದೇವೋ ಭವ ಜಾಗೃತಿ ಜಾಥಾ

ಕೊಪ್ಪಳ: ಕೊಪ್ಪಳ ಗವಿಮಠದಿಂದ ಬೃಹತ್ ಕಾಯಕ ದೇವೋ ಭವ ಜಾಗೃತಿ ಜಾಥಾಗೆ ತಾಲೂಕು ಕ್ರೀಡಾಂಗಣದಲ್ಲಿ ಚಾಲನೆ ನೀಡಲಾಯಿತು. ಜಾಥಾಗೆ ಗವಿಶ್ರೀ, ಜಿಲ್ಲಾಧಿಕಾರಿ ನಲಿನ್ ಅತುಲ್ ಹಾಗೂ ಜಿಪಂ ಸಿಇಒ ರಾಹುಲ್ ರತ್ನಂ ಚಾಲನೆ ನೀಡಿದರು.

ಬೃಹತ್ ಜಾಥಾದಲ್ಲಿ 10-12 ಸಾವಿರ ಶಾಲಾ ಕಾಲೇಜು ವಿದ್ಯಾರ್ಥಿಗಳು, ಸಂಘ-ಸಂಸ್ಥೆಗಳ ಹಾಗೂ ಕೊಪ್ಪಳ ನಗರದ ಜನತೆ ಭಾಗಿಯಾಗಿದ್ದಾರೆ.

ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಹಾಗೂ ವಿವಿಧ ಇಲಾಖೆಗಳಿಂದಲೂ ಜಾಥಾಗೆ ಸಹಯೋಗ ನೀಡಲಾಗಿದ್ದು, ತಾಲೂಕು ಕ್ರೀಡಾಂಗಣದಿಂದ ಕೊಪ್ಪಳ ಗವಿಮಠದ ವರೆಗೂ ಸಾಗಿತು. ಜಾಥಾದಲ್ಲಿ ಗವಿಸಿದ್ದೇಶ್ವರರ ನಾಮ ಸ್ಮರಣೆ ಕಾಯಕಗಳ ಘೋಷಣೆ ಮೊಳಗಿಸಲಾಯಿತು.

ಈ ವರ್ಷದ ಜಾತ್ರೋತ್ಸದ ಪ್ರಯುಕ್ತ ಜಾಗೃತಿ ಜಾಥಾ ನಡೆಸಲಾಗಿದೆ. ಕಳೆದ ಹತ್ತು ವರ್ಷಗಳಿಂದ ಒಂದೊಂದು ವಿಷಯದಡಿ ಜ‌ನ ಜಾಗೃತಿ ಮಾಡಲಾಗುತ್ತದೆ.   ಜಾಥಾದುದ್ದಕ್ಕೂ ವಿದ್ಯಾರ್ಥಿಗಳಿಗೆ ತಂಪು ಪಾನೀಯ ವಿತರಣೆ ಮಾಡಲಾಯಿತು.