Koppal: ಈಜಲು ಹೋದ 9 ನೇ ತರಗತಿ ವಿದ್ಯಾರ್ಥಿ ನೀರು ಪಾಲು

ಕೊಪ್ಪಳ: ಸಂಕ್ರಾಂತಿ ನಿಮಿತ್ತ ಈಜಲು ಹೋಗಿದ್ದ ವಸತಿ ಶಾಲೆಯ ಬಾಲಕನೋರ್ವ ನೀರು ಪಾಲಾದ ದುರ್ಘಟನೆ ಭಾನುವಾರ ಸಂಭವಿಸಿದೆ.

ಕೂಕನೂರು ಪಟ್ಟಣದ ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆಯ ವಸತಿ ಶಾಲೆಯ 9 ನೇ ತರಗತಿ ವಿದ್ಯಾರ್ಥಿ ಪ್ರದೀಪ್ ಮೃತ ದುರ್ದೈವಿ. ನಾಲ್ಕು ಜನ ಸ್ನೇಹಿತರೊಂದಿಗೆ ವಸತಿ ಶಾಲೆಯ ಗೋಡೆ ಹಾರಿ ಕಲ್ಲು ಕ್ವಾರಿಯಲ್ಲಿ ದೊಡ್ಡದಾಗಿ ಅಗೆದಿರುವ ನೀರಿ‌ನ ಹೊಂಡದಲ್ಲಿ ಈಜಲು ಹೋಗಿದ್ದಾರೆ.

ಈ ವೇಳೆ ಮೂವರಿಗೆ ಈಜಲು ಬಂದಿದ್ದು, ಕುಷ್ಟಗಿ ಮೂಲದ ಪ್ರದೀಪ್ ಈಜಲು ಬರದೇ ಹೊಂಡದಲ್ಲಿ ಮುಳುಗಿದ್ದಾನೆ. ಅಗ್ನಿ ಶಾಮಕ ದಳದ ಸಿಬಂದಿ, ಪೊಲೀಸರು ಮೃತ ಬಾಲಕನ ಶವಕ್ಕಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಕೂಕನೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.