ಸಚಿವ ಸ್ಥಾನ ನೀಡಿದರೆ ಖಂಡಿತ ಬಿಜೆಪಿ ಸೇರುವೆ-ಎನ್. ಮಹೇಶ್

ಚಾಮರಾಜನಗರ: ಸಚಿವ ಸ್ಥಾನ ನೀಡಿದರೆ ಯಾರು ಬೇಡವೆನ್ನುತ್ತಾರೆ? ಸಚಿವ ಸ್ಥಾನ ಕೊಟ್ಟರೆ ಖಂಡಿತ ಬಿಜೆಪಿ ಸೇರುತ್ತೇನೆ ಎಂದು ಬಿಎಸ್‌ಪಿ ಉಚ್ಛಾಟಿತ, ಕೊಳ್ಳೇಗಾಲ ಶಾಸಕ, ಎನ್. ಮಹೇಶ್ ಹೇಳಿದರು.

ಹಕ್ಕಿಹಬ್ಬ ಕಾರ್ಯಕ್ರಮ ಉದ್ಘಾಟನೆಗೆ ಜಿಲ್ಲೆಯ ಬಿಳಿಗಿರಿರಂಗನಬೆಟ್ಟಕ್ಕೆ ಆಗಮಿಸಿದ್ದ ಅವರು, ಬಿಜೆಪಿ ಸೇರುವ ವಿಚಾರವಾಗಿ ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದರು. ರಾಜ್ಯಾದ್ಯಂತ  ಹಾಗೂ ಕೊಳ್ಳೇಗಾಲ ಕ್ಷೇತ್ರದ  ನಮ್ಮ ಕಾರ್ಯಕರ್ತರು ಬಿಜೆಪಿ ಸೇರುವುದಾದರೆ ಒಂದು ಹುದ್ದೆ ಪಡೆದು ಸೇರ್ಪಡೆಯಾಗಿ ಎನ್ನುತ್ತಿದ್ದಾರೆ. ಸಚಿವ ಸ್ಥಾನ ನೀಡಿದರೆ ಖಂಡಿತ ಬಿಜೆಪಿ ಸೇರುತ್ತೇನೆ ಎಂದರು.

ಇದನ್ನೂ ಓದಿ : ಸಿದ್ದರಾಮಯ್ಯ ಅವರ ಅತಿರೇಕದ ವರ್ತನೆಗೆ ಜನತೆ ತಕ್ಕ ಪಾಠ ಕಲಿಸುತ್ತಾರೆ:ಕ್ಯಾ.ಗಣೇಶ್ ಕಾರ್ಣಿಕ್

ಎನ್. ಮಹೇಶ್ ಶೀಘ್ರವೇ ಬಿಜೆಪಿಗೆ ಸೇರ್ಪಡೆಯಾಗಲಿದ್ದಾರೆ ಎಂಬ ವರದಿಯನ್ನು  ಉದಯವಾಣಿ ಕಳೆದ ಡಿಸೆಂಬರ್ 3ರಂದು ಮೊದಲು ಪ್ರಕಟಿಸಿತ್ತು. ಈಗ ಎನ್. ಮಹೇಶ್ ಅವರು ಬಿಜೆಪಿಗೆ ಸೇರ್ಪಡೆಯಾಗುತ್ತೇನೆ ಎಂದು ಇದೇ ಮೊದಲ ಬಾರಿಗೆ ಅಧಿಕೃತವಾಗಿ ತಿಳಿಸಿದ್ದಾರೆ. ಇದರಿಂದಾಗಿ ಶೂನ್ಯ ಮಾಸ ಕಳೆದು ಸಂಕ್ರಾಂತಿಯ ಬಳಿಕ  ಎನ್. ಮಹೇಶ್ ಬಿಜೆಪಿ ಸೇರುವುದು ಖಚಿತವಾಗಿದೆ.