Kollegala: ಒಣಗಾಂಜಾ ಮಾರಾಟ; ಆರೋಪಿ ಬಂಧನ

ಕೊಳ್ಳೇಗಾಲ: ಅಕ್ರಮವಾಗಿ ಒಣಗಾಂಜಾ ಮಾರಾಟ ಮಾಡುತ್ತಿದ್ದ ಯುವಕನೊಬ್ಬನನ್ನು ನಗರ ಪೊಲೀಸರು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ನಗರದ ನೂರ್ ಮೊಹಲ್ಲಾ ನಿವಾಸಿ ಖಾದರ್ ಫೀರ್ ಎನ್ನುವವರ ಮಗನಾದ ನಯಾಜ್ (25) ಎಂಬಾತ ಬಂಧಿತ ಆರೋಪಿ.  ಆತನಿಂದ 870 ಗ್ರಾಂ ಒಣಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ.

ಈ ಸಂಬಂಧ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಬಂಧಿತ ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಕಾರ್ಯಾಚರಣೆಯಲ್ಲಿ ನಗರ ಠಾಣೆಯ ಪಿಎಸ್ಐ ವರ್ಷಾ,  ಹೆಡ್‌ ಕಾನ್‌ಸ್ಟೇಬಲ್ ಲಿಂಗರಾಜು, ಪೇದೆಗಳಾದ ಶಿವಮಂಜು, ರಾಜು, ದ್ವಾರಕೀಶ್, ಆನಂದ್, ಸಚಿನ್ ಇದ್ದರು.