ಮತ್ತೂಂದು ತೆಂಡುಲ್ಕರ್‌ ದಾಖಲೆ ಮುರಿಯಲು ಕೊಹ್ಲಿ ಸಜ್ಜು

ಸಿಡ್ನಿ: ಒಂದರ ಹಿಂದೆ ಒಂದರಂತೆ ಕ್ರಿಕೆಟ್‌ ದೇವರು ಸಚಿನ್‌ ತೆಂಡುಲ್ಕರ್‌ ಅವರ ದಾಖಲೆಯನ್ನು ಮುರಿಯುತ್ತಿರುವ ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ, ಈಗ ಮತ್ತೂಂದು ದಾಖಲೆ ಮುರಿಯಲು ಸಜ್ಜಾಗಿ ನಿಂತಿದ್ದಾರೆ. 

ಆಸ್ಟ್ರೇಲಿಯದಲ್ಲಿ ಆಸ್ಟ್ರೇಲಿಯ ವಿರುದ್ಧ ಗರಿಷ್ಠ ಟೆಸ್ಟ್‌ ಶತಕ ಬಾರಿಸಿದ ಭಾರತೀಯ ಎಂಬ ಹೆಗ್ಗಳಿಕೆಗೆ ಅವರು ಹತ್ತಿರಾಗಿದ್ದಾರೆ. ಪ್ರಸ್ತುತ ಆಸೀಸ್‌ನಲ್ಲಿ ಅವರು 5 ಶತಕ ಬಾರಿಸಿದ್ದಾರೆ. 

ಇನ್ನೆರಡು ಶತಕ ಬಾರಿಸಿದರೆ ಸಚಿನ್‌ ದಾಖಲೆ ಪತನವಾಗಲಿದೆ. ಸದ್ಯ 8 ಪಂದ್ಯಗಳಲ್ಲಿ 5 ಶತಕ ಬಾರಿಸಿ ಸುನೀಲ್‌ ಗಾವಸ್ಕರ್‌ ಜೊತೆಗೆ ಕೊಹ್ಲಿ ಸಮಬಲ ಹೊಂದಿದ್ದಾರೆ. ಸಚಿನ್‌ ತೆಂಡುಲ್ಕರ್‌ ಆಸ್ಟ್ರೇಲಿಯ ವಿರುದ್ಧ 6 ಶತಕ ಬಾರಿಸಲು 20 ಪಂದ್ಯ ಬಳಸಿಕೊಂಡಿದ್ದಾರೆ. ಅದೇ ಕೊಹ್ಲಿ ಬರೀ 8 ಟೆಸ್ಟ್‌ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ. ಸಚಿನ್‌ 1809 ರನ್‌ ಗಳಿಸಿದ್ದರೆ, ಕೊಹ್ಲಿ 992 ರನ್‌ ಗಳಿಸಿದ್ದಾರೆ.