ಕೊಹ್ಲಿಗೆ ಬುಮ್ರಾ ಬೌಲಿಂಗ್‌ ಎಂದರೆ ಹೆದರಿಕೆ!

ಮೆಲ್ಬರ್ನ್: ಇಲ್ಲಿ ಆತಿಥೇಯ ಆಸೀಸ್‌ ವಿರುದ್ಧ ನಡೆದ 3ನೇ ಟೆಸ್ಟ್‌ ಪಂದ್ಯವನ್ನು ಗೆದ್ದು ಸರಣಿಯಲ್ಲಿ ಭಾರತ 2-1 ಮುನ್ನಡೆ ಸಾಧಿಸಿದೆ. ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ ದಾಳಿಗೆ ಸಿಲುಕಿ, ಆಸ್ಟ್ರೇಲಿಯ ಸೋತು ಹೋಗಿತ್ತು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ, ಟೆಸ್ಟ್‌ನಲ್ಲಿ ಬುಮ್ರಾರನ್ನು ಎದುರಿಸಲು ನಾನೂ ಇಷ್ಟಪಡುವುದಿಲ್ಲ. ಒಂದು ವೇಳೆ ಬುಮ್ರಾ ಲಯ ಕಂಡುಕೊಂಡರೆ, ಬ್ಯಾಟಿಂಗನ್ನು ಧ್ವಂಸ ಮಾಡುತ್ತಾರೆ ಎಂದು ಹೇಳಿದ್ದಾರೆ. ಸಮಕಾಲೀನ ಕ್ರಿಕೆಟ್‌ನ ಸರ್ವಶ್ರೇಷ್ಠ ಬ್ಯಾಟ್ಸ್‌ಮನ್‌ ಎನಿಸಿಕೊಂಡಿರುವ ಕೊಹ್ಲಿ ಕಂಡರೆ ಬೌಲರ್‌ಗಳು ಹೆದರುತ್ತಾರೆ. ಅವರ ಬ್ಯಾಟಿಂಗ್‌ಗೆ ವಿಶ್ವದ ಇಥರೆ ದೇಶದ ಬೌಲರ್‌ಗಳು ಕಕ್ಕಾಬಿಕ್ಕಿಯಾಗುತ್ತಾರೆ. ಆದರೆ ಕೊಹ್ಲಿಗೆ ಮಾತ್ರ ತನ್ನದೇ ದೇಶದ ಬುಮ್ರಾ ಎಂದರೆ ಹೆದರಿಕೆಯೆನ್ನುವುದು ಕುತೂಹಲ ಕೆರಳಿಸಿದೆ.