ಕೊಹ್ಲಿಗೆ ಈಗ ಹೊಸ ನಾಯಕ

ಹೊಸದಿಲ್ಲಿ: ಅಫ್ಘಾನಿಸ್ಥಾನ ತಂಡದ ವಿರುದ್ಧದ ಐತಿಹಾಸಿಕ ಟೆಸ್ಟ್‌ ಕ್ರಿಕೆಟ್‌ ಕೂಟಕ್ಕೆ ಗೈರುಹಾಜರಾಗುತ್ತಿರುವ ಭಾರತ ನಾಯಕ ವಿರಾಟ್‌ ಕೊಹ್ಲಿ ಇಂಗ್ಲಿಷ್‌ ಕೌಂಟಿ ಕ್ರಿಕೆಟ್‌ನಲ್ಲಿ ಹೊಸ ನಾಯಕನ ನಾಯಕತ್ವದಲ್ಲಿ ಆಡಲು ಸಜ್ಜಾಗುತ್ತಿದ್ದಾರೆ. 

ಭಾರತ ತಂಡದ ನಾಯಕತ್ವ ಸ್ವೀಕರಿಸಿದ ಬಳಿಕ ಇದೇ ಮೊದಲ ಸಲ ಮತ್ತೋರ್ವ ನಾಯಕನ ಅಡಿಯಲ್ಲಿ ಕೊಹ್ಲಿ ಕಣಕ್ಕೆ ಇಳಿಯಲಿದ್ದಾರೆ. ಕೊಹ್ಲಿ ಪ್ರತಿ ನಿಧಿಸುತ್ತಿರುವ ಸರ್ರೆ ತಂಡಕ್ಕೆ ರೊರಿ ಬರ್ನ್ಸ್ ನಾಯಕರಾಗಿದ್ದಾರೆ. ಕೊಹ್ಲಿ ಒಟ್ಟಾರೆ ಸರ್ರೆ ತಂಡವನ್ನು ಪ್ರತಿನಿಧಿಸುತ್ತಿರುವ 6ನೇ ಭಾರತೀಯರಾಗಿದ್ದಾರೆ.