ರಾಜ್ಯಕ್ಕೆ ಮತ್ತೆ ಒಕ್ಕರಿಸಲಿದೆಯಂತೆ ಜಲಕಂಟಕ: ಕೋಡಿಮಠ ಶ್ರೀ

ಧಾರವಾಡ: ರಾಜ್ಯದಲ್ಲಿ ಪ್ರಸ್ತುತ ಮಳೆ, ಬೆಳೆ ಚೆನ್ನಾಗಿ ಇದ್ದು, ಮತ್ತೆ ಪ್ರವಾಹದ ಸಂಕಷ್ಟವಿದೆ. ಸದ್ಯಕ್ಕಂತೂ ರಾಜ್ಯಕ್ಕೆ ಜಲಕಂಟಕವಿದೆ ಎಂದು ಅರಸೀಕೆರೆ ಹಾರನಹಳ್ಳಿಯ ಕೋಡಿಮಠದ ಡಾ| ಶಿವಾನಂದ ರಾಜೇಂದ್ರ ಸ್ವಾಮೀಜಿ ಹೇಳಿದರು. ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, ಇದರ ಜತೆಗೆ ಅಚ್ಚರಿಯ ಸುದ್ದಿ ಸಿಗುತ್ತದೆ. ರಾಜ್ಯ ಸರಕಾರಕ್ಕೆ ಈಗಂತೂ ಯಾವುದೇ ತೊಂದರೆ ಇಲ್ಲ. ಯುಗಾದಿ ಬಳಿಕ ಎಲ್ಲದರ ಬಗ್ಗೆ ಸ್ಪಷ್ಟ ಭವಿಷ್ಯ ಹೇಳುವುದಾಗಿ ತಿಳಿಸಿದರು.