ಮಂಗಳೂರು: ಕೆಎಂಸಿ ಮಣಿಪಾಲದ ಹೃದ್ರೋಗ ವಿಭಾಗದ ನಿವೃತ್ತ ಪ್ರಾಧ್ಯಾಪಕ ಮತ್ತು ಮುಖ್ಯಸ್ಥರಾಗಿದ್ದ ಡಾ.ಎಸ್.ಜಿ.ಸರ್ವೋತ್ತಮ ಪ್ರಭು (84) ಅವರು ಮಂಗಳವಾರ ನಿಧನ ಹೊಂದಿದ್ದಾರೆ.
ಶ್ರೇಷ್ಠತೆ, ಸಹಾನುಭೂತಿ ಮತ್ತು ಹೃದ್ರೋಗ ಕ್ಷೇತ್ರಕ್ಕೆ ಸಮರ್ಪಿತ ಸೇವೆಯನ್ನು ನೀಡಿದ್ದ ಡಾ.ಎಸ್.ಜಿ.ಸರ್ವೋತ್ತಮ ಪ್ರಭು ಅವರು 1970 ರಲ್ಲಿ ಪ್ರತಿಷ್ಠಿತ CMC ವೆಲ್ಲೂರ್‌ನಿಂದ ಹೃದ್ರೋಗಶಾಸ್ತ್ರದಲ್ಲಿ ತರಬೇತಿ ಪಡೆದ ಮೊದಲಿಗರಲ್ಲಿ ಒಬ್ಬರಾಗಿದ್ದರು. KMC ಮಣಿಪಾಲದಲ್ಲಿ ಹೃದ್ರೋಗ ವಿಭಾಗ ಮತ್ತು DM ಕಾರ್ಡಿಯಾಲಜಿ ಸ್ಥಾಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
ವೈದ್ಯಕೀಯ ಕ್ಷೇತ್ರಕ್ಕೆ ಅವರ ಕೊಡುಗೆಗಳನ್ನು ಗುರುತಿಸಿ, ಕರ್ನಾಟಕ ರಾಜ್ಯಪಾಲರ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿತ್ತು.ಹಲವಾರು ಹೃದ್ರೋಗಶಾಸ್ತ್ರಜ್ಞರ ವೃತ್ತಿಜೀವನವನ್ನು ರೂಪಿಸಿದವರಾಗಿದ್ದರು.
ಪುತ್ರಿಯರಾದ ಸುಮನ್ ಪ್ರಭು ಮತ್ತು ಡಾ. ಸೌಮಿನಿ ಪಿ. ಕಾಮತ್, ಅಳಿಯಂದಿರಾದ ಡಾ. ರವೀಂದ್ರ ಪ್ರಭು ಮತ್ತು ಡಾ. ಪದ್ಮನಾಭ್ ಕಾಮತ್ ಮತ್ತು ಐವರು ಮೊಮ್ಮಕ್ಕಳನ್ನು ಅಗಲಿದ್ದಾರೆ.
ಬೆಳಗ್ಗೆ 10:00 ಗಂಟೆಯವರೆಗೆ ಕೊಡಿಯಾಲ್‌ಬೈಲ್‌ನ ಕಲಾಕುಂಜ್ ರಸ್ತೆಯ ದೀಪಾ ರೆಸಿಡೆನ್ಸಿಯಲ್ಲಿ ಪ್ರಭುವನ್ನು ಅಂತ್ಯ ದರ್ಶನಕ್ಕಾಗಿ ವ್ಯವಸ್ಥೆ ಮಾಡಲಾಗಿತ್ತು. ನಂತರ ಅಂತಿಮ ವಿಧಿವಿಧಾನಗಳನ್ನು ನಡೆಸಲಾಯಿತು.
