Advertisement
ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಹೈದರಾಬಾದ್ 19.3 ಓವರ್ಗಳಲ್ಲಿ 159ಕ್ಕೆ ಆಲೌಟ್ ಆದರೆ, ಕೆಕೆಆರ್ ಕೇವಲ 13.4 ಓವರ್ಗಳಲ್ಲಿ ಎರಡೇ ವಿಕೆಟಿಗೆ 164 ರನ್ ಬಾರಿಸಿ ಜಯಭೇರಿ ಮೊಳಗಿಸಿತು.
Related Articles
Advertisement
ಹೆಡ್ ವಿಕೆಟ್ ಹಾರಿಸಿದವರು ಆಸ್ಟ್ರೇಲಿಯದವರೇ ಆದ ಮಿಚೆಲ್ ಸ್ಟಾರ್ಕ್. ಇವರ ಬೌಲಿಂಗ್ ಬ್ಯೂಟಿಗೆ ಮಿಡ್ಲ್ ಮತ್ತು ಆಫ್ಸ್ಟಂಪ್ಗ್ಳೆರಡೂ ಹಾರಿ ಹೋದವು. ಹೆಡ್ ಸತತ ಎರಡೂ ಪಂದ್ಯಗಳಲ್ಲಿ ಸೊನ್ನೆ ಸುತ್ತಿದ ಸಂಕಟಕ್ಕೆ ಸಿಲುಕಿದರು. ಪಂಜಾಬ್ ವಿರುದ್ಧ ಗೋಲ್ಡನ್ ಡಕ್ ಆದರೆ, ಇಲ್ಲಿ 2ನೇ ಎಸೆತದಲ್ಲಿ ವಿಕೆಟ್ ಕೈಚೆಲ್ಲಿದರು. ಅಭಿಷೇಕ್ ಆಟ ಮೂರೇ ರನ್ನಿಗೆ ಮುಗಿಯಿತು. ವೈಭವ್ ಅರೋರಾ ಕೂಡ ತಮ್ಮ ಮೊದಲ ಓವರ್ನಲ್ಲೇ ವಿಕೆಟ್ ಬೇಟೆಯಾಡಿದರು.
ಸ್ಟಾರ್ಕ್ ಅವರ 3ನೇ ಓವರ್ ಇನ್ನಷ್ಟು ಅಪಾಯಕಾರಿ ಆಗಿತ್ತು. ಸತತ ಎಸೆತಗಳಲ್ಲಿ ನಿತೀಶ್ ರೆಡ್ಡಿ ಮತ್ತು ಶಾಬಾಜ್ ಅಹ್ಮದ್ ವಿಕೆಟ್ ಉಡಾಯಿಸಿ ಕೋಲ್ಕತಾ ಪಾಳೆಯದಲ್ಲಿ ಖುಷಿಯ ಅಲೆಗಳನ್ನೆಬ್ಬಿಸಿದರು. 4 ಓವರ್ ಆಗುವಷ್ಟರಲ್ಲಿ 39 ರನ್ನಿಗೆ 4 ವಿಕೆಟ್ ಬಿತ್ತು.
5ನೇ ವಿಕೆಟಿಗೆ ಜತೆಗೂಡಿದ ರಾಹುಲ್ ತ್ರಿಪಾಠಿ (ಸರ್ವಾಧಿಕ 55) ಮತ್ತು ಕ್ಲಾಸೆನ್ (32) 62 ರನ್ ಪೇರಿಸಿ ತಂಡವನ್ನು ಆಧರಿಸಿದರು. ಅನಂತರ ಮತ್ತೆ ಕುಸಿತ ಮೊದಲ್ಗೊಂಡಿತು. 126 ರನ್ ಆಗುವಷ್ಟರಲ್ಲಿ 9 ವಿಕೆಟ್ ಬಿತ್ತು. ಕೊನೆಯಲ್ಲಿ ಕಮಿನ್ಸ್ ಹೋರಾಟ ನಡೆಸಿದ್ದರಿಂದ ತಂಡದ ಮೊತ್ತ ನೂರೈವತ್ತರ ಗಡಿ ದಾಟಿತು. ಕೆಕೆಆರ್ ಪರ ಬೌಲಿಂಗ್ ದಾಳಿಗಿಳಿದ ಎಲ್ಲರೂ ವಿಕೆಟ್ ಉರುಳಿಸುವಲ್ಲಿ ಯಶಸ್ವಿಯಾದರು.