ಅಣ್ವಸ್ತ್ರದ ಬಟನ್‌ ನನ್ನ ಡೆಸ್ಕ್ ನಲ್ಲೇ ಇರುತ್ತೆ: ಕಿಮ್‌ 

ಸಿಯೋಲ್‌: ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್‌ ಜಾಂಗ್‌-ಉನ್‌, ತಮ್ಮ ಮೇಜಿನ ಮೇಲೆ ಯಾವಾಗಲೂ ಪರಮಾಣು ಶಸ್ತ್ರಗಳ ಉಡಾವಣ ಬಟನ್‌ ಇಟ್ಟುಕೊಂಡಿ ರುವುದಾಗಿ ಬೆದರಿಕೆ ಹಾಕಿದ್ದು, ಈ ಮೂಲಕ ಅಮೆರಿಕ ವಿರುದ್ಧದ ತನ್ನ ಯುದ್ಧೋತ್ಸಾಹ ಹಾಗೂ ಉದ್ಧಟತನಗಳನ್ನು ಮುಂದುವರಿಸಿದ್ದಾರೆ. ಹೊಸ ವರ್ಷದ ಪ್ರಯುಕ್ತ ರಾಷ್ಟ್ರವ ನ್ನುದ್ದೇಶಿಸಿ ಮಾಡಿದ ಭಾಷಣದಲ್ಲಿ ಕಿಮ್‌ ಜಾಂಗ್‌, “ನಾವು ಹೆಚ್ಚೆಚ್ಚು ಪರಮಾಣು ಶಸ್ತ್ರಾಸ್ತ್ರ ಹಾಗೂ ಕ್ಷಿಪಣಿಗಳನ್ನು ತಯಾರಿಸಿ ಸಂಗ್ರಹಿಸಿಟ್ಟುಕೊಳ್ಳಬೇಕು” ಎಂದಿದ್ದಾರೆ.