ತಮ್ಮ ದೇಶ ಗೆದ್ದ ಖುಷಿಯಲ್ಲಿ ಈ ಮಕ್ಕಳ ಸಂಭ್ರಮಾಚರಣೆ ನೋಡಿ..

ಕ್ರೀಡಾ ಲೋಕದಲ್ಲಿ ದಿನಕ್ಕೊಂದು ದಾಖಲೆಗಳಾಗುತ್ತಿರುತ್ತವೆ. ಜಗತ್ತಿನಲ್ಲಿ ಅತಿ ಹೆಚ್ಚು ಜನರನ್ನು ರಂಜಿಸುವುದು ಕ್ರಿಕೆಟ್. ಕ್ರೀಡೆಯಲ್ಲಿ ಸೋಲು ಗೆಲುವು ಸಾಮಾನ್ಯ. ಕೆಲವೊಮ್ಮೆ ಒಂದೇ ಒಂದು ಸೋಲು ತಂಡವನ್ನು ಬೆಂಬಲಿಸುವ ಸಾವಿರಾರು ದೇಶ ಪ್ರೇಮಿಗಳಿಗೆ ನಿರಾಸೆ ಉಂಟು ಮಾಡುತ್ತದೆ. ಕೆಲವೊಮ್ಮೆ ತಮ್ಮ ಮೆಚ್ಚಿನ ತಂಡ ಗೆದ್ದರೆ ಆ ಗೆಲುವಿನ ಸಂಭ್ರಮಕ್ಕೆ ಕೊನೆಯೇ ಇರದು.

ಕ್ರಿಕೆಟ್ ಶಿಶುಗಳೆಂದು ಕರೆಯುವ ಅಫ್ಘಾನಿಸ್ತಾನ ನಿನ್ನೆ ಚಿತ್ತಗಾಂಗ್ ನಲ್ಲಿ ಮುಕ್ತಾಯಗೊಂಡ ಟೆಸ್ಟ್ ಪಂದ್ಯದಲ್ಲಿ ಅತಿಥೇಯ  ಬಾಂಗ್ಲಾದೇಶವನ್ನು ಮಣಿಸಿ ಮೊದಲ ಬಾರಿ ಟೆಸ್ಟ್ ಸರಣಿಯನ್ನು ತನ್ನದಾಗಿಸಿಕೊಂಡಿತು. ಈ ವಿಜಯ ಅಫ್ಫಾನ್ ಗಳ ಪಾಲಿಗೆ ಚರಿತ್ರೆ. ಅಫ್ಘಾನಿಸ್ತಾನದ ಈ ದಾಖಲೆಯನ್ನು ಕ್ರಿಕೆಟ್ ವಲಯ ಮೆಚ್ಚಿಕೊಂಡಿದೆ. ಎಲ್ಲೆಡೆಯಿಂದ ರಶೀದ್ ಪಡೆಗೆ ಅಭಿನಂದನೆಗಳು ರವಾನೆಯಾಗುತ್ತಿವೆ.

 

ಮಳೆಯ ಕಾರಣದಿಂದ ದಿನದ ಅಂತಿಮ ದಿನದ ಕಡೆಯ ಅವಧಿಯಲ್ಲಿ ಕೇವಲ 10 ಓವರ್ ಗಳ ಪಂದ್ಯ ನೆಡದಿತ್ತು. ಅಫ್ಘಾನ್ ಗೆಲುವಿಗೆ 10 ಓವರ್ ಸಾಕಿತ್ತು. ಅಂತಿಮ ಕ್ಷಣದಲ್ಲಿ ರಶೀದ್ ಖಾನ್ ಬೌಲಿಂಗ್ ದಾಳಿಗೆ ಬಾಂಗ್ಲಾ ಹುಲಿಗಳು ತತ್ತರುಸಿ ಹೋಯಿತು. ಅಫ್ಘಾನ್ ತನ್ನ ಚೊಚ್ಚಲ ಟೆಸ್ಟ್ ಪ್ರಶಸ್ತಿಯನ್ನು ಎತ್ತಿ ಸಂಭ್ರಮಾಚರಿಸಿದರು.

 

ಟಿವಿ ಎದುರು ಕೂತ ಪುಟ್ಟ ಮಕ್ಕಳು ಅಫ್ಘಾನಿಸ್ತಾನ ಗೆದ್ದಾಗ ಖುಷಿಯಲ್ಲಿ ಕುಣಿದು ಕುಪ್ಪಳಿಸಿದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಈಗ ವೈರಲ್ ಆಗಿದೆ. ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿಯ ಮುಖ್ಯ ಕಾರ್ಯನಿರ್ವಾಹಕ ಶಫೀಕ್ ಸ್ಟಾನಿಕ್ಜೈ  ತಮ್ಮ ಟ್ವಿಟರ್ ಖಾತೆಯಲ್ಲಿ ಮಕ್ಕಳ ಸಂಭ್ರಮವನ್ನು ಹಂಚಿಕೊಂಡಿದ್ದಾರೆ.

 

ಈ ವಿಡೀಯೋ ಓಗ ವೈರಲ್ ಆಗಿದೆ.ಇಲ್ಲಿದೆ ನೋಡಿ ಆ ವಿಡೀಯೋ..