ರಾಕಿಂಗ್‌ ಸ್ಟಾರ್‌ ಯಶ್‌ ಅಭಿನಯದ ಬಹುನಿರೀಕ್ಷಿತ “ಕೆಜಿಎಫ್-2′ ಚಿತ್ರದ ಚಿತ್ರೀಕರಣ ಕೊನೆ ಹಂತದಲ್ಲಿದೆ. ಸದ್ಯ ಹೈದರಾಬಾದ್‌ನಲ್ಲಿ ಬೀಡು ಬಿಟ್ಟಿರುವ ಚಿತ್ರತಂಡ, ಚಿತ್ರದ ಕೊನೆಯ ಹಂತದ ಚಿತ್ರೀಕರಣದಲ್ಲಿ ನಿರತವಾಗಿದ್ದು, ಇದೇ ಡಿಸೆಂಬರ್‌ ಕೊನೆಗೆ “ಕೆಜಿಎಫ್-2′ ಚಿತ್ರೀಕರಣ ಮುಕ್ತಾಯವಾಗುವುದು ಬಹುತೇಕ ಪಕ್ಕಾ ಆಗಿದೆ. ಇದರ ನಡುವೆಯೇ “ಕೆಜಿಎಫ್-2′ ಚಿತ್ರದ ಟೀಸರ್‌ ರಿಲೀಸ್‌ ಯಾವಾಗ ಎಂದು ಅಭಿಮಾನಿಗಳು ಕೇಳುತ್ತಿದ್ದ ಪ್ರಶ್ನೆಗೆ ಚಿತ್ರತಂಡದ ಕಡೆಯಿಂದ ಕೊನೆಗೂ ಉತ್ತರ ಸಿಕ್ಕಿದೆ. ನಟ ಯಶ್‌ ಹುಟ್ಟು ಹಬ್ಬಕ್ಕೆ “ಕೆಜಿಎಫ್-2′ ಚಿತ್ರದ ಟೀಸರ್‌ ಬಿಡುಗಡೆಯಾಗಲಿದೆ ಎಂದು ಚಿತ್ರದ ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್‌ ಗೌಡ ಬಹಿರಂಗ ಪಡಿಸಿದ್ದಾರೆ.
ಇತ್ತೀಚೆಗೆ ಅಭಿಮಾನಿಯೊಬ್ಬ “3 ವರ್ಷ ಆಯ್ತು ಗುರು ಬಾಸ್ ಟೀಸರ್‌ ನೋಡಿ’ ಎಂದು ಟ್ಟಿಟ್ಟರ್‌ನಲ್ಲಿ ಹೇಳಿದ ಮಾತಿಗೆ ಪ್ರತಿಕ್ರಿಯೆ ನೀಡಿರುವಕಾರ್ತಿಕ್‌ ಗೌಡ, “ಬರ್ತಡೇಗೆ ನೋಡ್ತಿಯಾ, ಬೇರೆ ರೇಂಜ್‌ನಲ್ಲೇ ಇರುತ್ತೆ’ ಎಂದಿದ್ದಾರೆ. ಈ ಮೂಲಕ ಮುಂಬರುವ ಜನವರಿ 8 ರಂದು ಯಶ್‌ ಅವರ ಬರ್ತ್‌ಡೇ ಸಂದರ್ಭದಲ್ಲಿ “ಕೆಜಿಎಫ್-2′ ಟೀಸರ್‌ ಬಿಡುಗಡೆಯಾಗುವುದು ಖಚಿತವಾದಂತಾಗಿದೆ.
ಸದ್ಯ “ಕೆಜಿಎಫ್-2′ ಟೀಸರ್‌ ಬಿಡುಗಡೆಯ ಸುದ್ದಿ ಚಿತ್ರತಂಡದ ಕಡೆಯಿಂದ ಹೊರಬೀಳುತ್ತಿದ್ದಂತೆ, ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್‌ ಆಗುತ್ತಿದೆ. “ಕೆಜಿಎಫ್ ಚಾಪ್ಟರ್‌-2′ ಟ್ವಿಟ್ಟರ್‌ನಲ್ಲಿ ಟಾಪ್‌ ಟ್ರೆಂಡಿಂಗ್‌ ಲಿಸ್ಟ್‌ನಲ್ಲಿದ್ದು, ಯಶ್‌ ಅಭಿಮಾನಿಗಳು ಹ್ಯಾಷ್‌ ಟ್ಯಾಗ್‌ ಹಾಕಿ ಯಶ್‌ ಹುಟ್ಟುಹಬ್ಬಕ್ಕೆ “ಕೆಜಿಎಫ್ ಚಾಪ್ಟರ್‌-2′ ಟೀಸರ್‌ ಎಂದು ಟ್ವಿಟ್ಟರ್‌ನಲ್ಲಿ ಪೋಸ್ಟ್‌ ಮಾಡುತ್ತಿದ್ದಾರೆ. ಒಟ್ಟಾರೆ “ಕೆಜಿಎಫ್-2′ ಚಿತ್ರದಲ್ಲಿ ಯಶ್‌ ಪೋಸ್ಟರ್‌ ರಿಲೀಸ್‌ ಆದ ಬಳಿಕ, ಟೀಸರ್‌ ನೋಡಲುಕಾಯುತ್ತಿದ್ದ ಅಭಿಮಾನಿಗಳು ಈ ಸುದ್ದಿಕೇಳಿ ಫ‌ುಲ್‌ ಖುಷಿಯಾಗಿದ್ದಾರೆ. ಇನ್ನು ಟೀಸರ್‌ ಹೇಗಿರಲಿದೆ ಅನ್ನೋಕುತೂಹಲಕ್ಕೆ ಯಶ್‌ ಬರ್ತ್‌ಡೇ ಯಂದು ತೆರೆ ಬೀಳಲಿದೆ.
