ಶಿರಸಿ: ಪೇಟೆಯಿಂದ ಖರೀದಿಸಿ ತಂದ ಅಕ್ಕಿಯಲ್ಲಿ ಟಾಚಿಣಿ, ಮೊಳೆ, ಕಬ್ಬಿಣದ ತುಂಡು ಇರೋದು ಗೊತ್ತಿತ್ತು. ಆದರೆ, ಇಲ್ಲೊಬ್ಬರು ಖರೀದಿಸಿದ ತರಕಾರಿಯಲ್ಲೇ ಚಾವಿ ಕೂಡ ತರಕಾರಿ ಒಳಗೇ ಇದ್ದು ಬಂದ ಘಟನೆ ನಡೆದಿದೆ.
ತಾಲೂಕಿನ ಕೆರೆಕೊಪ್ಪದ ರೈತ ಆನಂದ ಹೆಗಡೆ ಸಮೀಪದ ತಾರಗೋಡ ಪೇಟೆಯಿಂದ ಟೊಮೇಟೊ ಖರೀದಿಸಿ ತಂದಿದ್ದರು. ಅದರಲ್ಲಿ ಒಂದು ಟೊಮೇಟೋ ಕತ್ತರಿಸುವಾಗ ಏನೋ ಹಿಡಿದಂತೆ ಆಯಿತು. ಅದನ್ನು ಬಿಡಿಸಿ ನೋಡಿದರೆ ಅರೆ, ಚಾವಿ! ಅಡಗಿತ್ತು.
ಒಮ್ಮೆ ಸೋಜಿಗ ಎನಿಸಿದರೂ ತುಂಬು ಹಣ್ಣಾದ ಟೊಮೇಟೋದಲ್ಲಿ ಚಾವಿ ಸೇರಿದ್ದು ಹೇಗೆ ಎಂಬುದೇ ಯಕ್ಷ ಪ್ರಶ್ನೆ ಆಯಿತು. ಚಾವಿ ತೂಕಕ್ಕೂ ಹಣ ಕೊಟ್ಟು ತರಕಾರಿ ಖರೀದಿಸಿದ್ದಂತೂ ಸುಳ್ಳಲ್ಳ….
ಇನ್ನು ಹಲವರಿಗೆ ತರಕಾರಿ ನೇರ ತಿಂದು ರೂಢಿ. ಹಾಗೇ ಟೊಮೇಟೋ ಕೂಡ ಯಾರಾದರೂ ತಿಂದಿದ್ದರೆ ಅಪಾಯ ದೇಹಕ್ಕೂ ಅಂಟಿಕೊಳ್ಳುತ್ತಿತ್ತು! ಡಾಕ್ಟರ್ ಮನೆಗೆ ಓಡಬೇಕಿತ್ತು.
‘ಈವರೆಗೆ ಎಷ್ಟೇ ಸಲ ತರಕಾರಿ ಖರೀದಿಸಿದ್ದರೂ ಇಂಥದ್ದು ಸಿಕ್ಕಿರಲಿಲ್ಲ. ಇದು ಅಚ್ಚರಿ ಮೂಡಿಸಿದೆ’ ಎನ್ನುತ್ತಾರೆ ಆನಂದ ಹೆಗಡೆ.
ಇದನ್ನೂ ಓದಿ : ಮೋದಿಗಾಗಿ ಬಿಜೆಪಿ ಕಾರ್ಯಕರ್ತರಿಂದ ದೇಶಾದ್ಯಂತ ಯಾಗ : ಸಚಿವ ಅನುರಾಗ್‌ ಠಾಕೂರ್‌ ಮಾಹಿತಿ
