Kerala ಪೂಜಾ ಬಂಪರ್‌ ಲಾಟರಿ ಬಹುಮಾನ: ಪ್ರಥಮ, ದ್ವಿತೀಯಗಳೆರಡೂ ಕಾಸರಗೋಡಿಗೆ!

ಕಾಸರಗೋಡು: ಕೇರಳ ಸರಕಾರದ ಪೂಜಾ ಬಂಪರ್‌ ಲಾಟರಿಯ ಪ್ರಥಮ ಬಹುಮಾನ 12 ಕೋಟಿ ರೂ. ಮತ್ತು ದ್ವಿತೀಯ ಬಹುಮಾನ 1 ಕೋಟಿ ರೂ.ಗಳು ಹೊಸಂಗಡಿ ಸಮೀಪದ ಮಜಿರ್‌ಪಳ್ಳದ ಭಾರತ್‌ ಲಾಟರಿ ಏಜೆನ್ಸಿ ಮಾರಾಟ ಮಾಡಿದ ಟಿಕೆಟ್‌ಗೆ ಲಭಿಸಿವೆ.

ಈ ಟಿಕೆಟ್‌ಗಳನ್ನು ಖರೀದಿಸಿದವರು ಯಾರು ಎಂಬುದು ಇನ್ನೂ ತಿಳಿದುಬಂದಿಲ್ಲ. ಅನ್ಯ ಜಿಲ್ಲೆಗಳ ಗ್ರಾಹಕರು ಇರಬೇಕು ಎಂದು ಶಂಕಿಸಲಾಗಿದೆ.

ಮೆರಿಕುಟ್ಟಿ-ಜೋಜೋ ದಂಪತಿ ಈ ಏಜೆನ್ಸಿಯನ್ನು ನಡೆಸುತ್ತಿದ್ದಾರೆ. ಕಾಸರಗೋಡು ಜಿಲ್ಲೆಗೆ ಇಷ್ಟು ದೊಡ್ಡ ಮೊತ್ತದ ಬಹುಮಾನ ಲಭಿಸು ತ್ತಿರುವುದು ಪ್ರಥಮ ಎಂದು ಅವರು ಹೇಳಿದ್ದಾರೆ.