Kerala: ಯುದ್ಧ ನಿಲ್ಲಿಸುವವರೆಗೆ ಇಸ್ರೇಲ್‌ ಪೊಲೀಸರಿಗೆ ಸಮವಸ್ತ್ರ ಪೂರೈಕೆ ಇಲ್ಲ

ತಿರುವನಂತಪುರಂ: ಗಾಜಾ ಪಟ್ಟಿಯಲ್ಲಿ ಯುದ್ಧ ನಿಲ್ಲಿಸುವವರೆಗೆ ಇಸ್ರೇಲ್‌ ಪೊಲೀಸರಿಗೆ ಸಮವಸ್ತ್ರ ಪೂರೈಕೆ ಮಾಡುವುದಿಲ್ಲ ಎಂದು ಕೇರಳದ ಉಡುಪು ತಯಾರಿಕಾ ಕಂಪನಿಯೊಂದು ತಿಳಿಸಿದೆ. “2015ರಿಂದ ಇಸ್ರೇಲ್‌ ಪೊಲೀಸರಿಗೆ ನಾವು ಸಮವಸ್ತ್ರ ಪೂರೈಕೆ ಮಾಡುತ್ತಿದ್ದೇವೆ. ಇಸ್ರೇಲ್‌ ಮೇಲೆ ಹಮಾಸ್‌ ದಾಳಿ ಮತ್ತು ನಾಗರಿಕರ ಹತ್ಯೆಯನ್ನು ಒಪ್ಪುವುದಿಲ್ಲ. ಅದೇ ರೀತಿ ಪ್ರತಿಕಾರವಾಗಿ ಗಾಜಾ ಪಟ್ಟಿ ಮೇಲೆ ಇಸ್ರೇಲ್‌ ದಾಳಿ ಮತ್ತು ಅಮಾಯಕರ ಸಾವನ್ನು ಒಪ್ಪಲು ಆಗುವುದಿಲ್ಲ.

ಯುದ್ಧ ನಿಲ್ಲಿಸುವವರೆಗೆ ಇಸ್ರೇಲ್‌ ಪೊಲೀಸರಿಂದ ಹೊಸ ಆರ್ಡರ್‌ ಅನ್ನು ತೆಗೆದುಕೊಳ್ಳುವುದಿಲ್ಲ’ ಎಂದು ಮರಿಯಾನ್‌ ಅಪಾರೆಲ್ಸ್‌ ಪ್ರೈ. ಲಿ. ನ ಮಾಲೀಕ ಥಾಮಸ್‌ ಒಲಿಕಲ್‌ ತಿಳಿಸಿದ್ದಾರೆ.