ಲೈಂಗಿಕ ಕಿರುಕುಳ ಆರೋಪ : ಅಮೆರಿಕ ಸಂಸದ ಆತ್ಮಹತ್ಯೆ 

ವಾಷಿಂಗ್ಟನ್‌ : 17 ರ ಯುವತಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಹೊತ್ತಿದ್ದ ರಿಪಬ್ಲಿಕ್‌ ಪಕ್ಷದ ಸಂಸದ ಡಾನ್‌ ಜಾನ್ಸನ್‌  ತಲೆಗೆ ಸ್ವಯಂ ಗುಂಡಿಟ್ಟುಕೊಂಡು ಆತ್ಮಹತ್ಯೆಗೆ ಶರಣಾದ ಘಟನೆ ಬುಧವಾರ ನಡೆದಿದೆ.

ಕೆಂಚುಕಿ ಸ್ಟೇಟ್‌ ಪ್ರತಿನಿಧಿಯಾಗಿದ್ದ57 ರ ಹರೆಯದ  ಡಾನ್‌ ಜಾನ್ಸನ್‌ ವಿರುದ್ಧ ಯುವತಿ ಲೈಂಗಿಕ ಕಿರುಕುಳ ದೂರನ್ನು ದಾಖಲಿಸಿದ್ದಳು. ಆರೋಪವನ್ನು ಜಾನ್ಸನ್‌ ಅಲ್ಲಗಳೆದಿದ್ದರು. 

ಜಾನ್ಸನ್‌ 2016 ರ ಅಧ್ಯಕ್ಷೀಯ ಚುನಾವಣೆ ವೇಳೆ ಅಮೆರಿಕದ ಅಂದಿನ ಅಧ್ಯಕ್ಷ ಬರಾಕ್‌ ಒಬಾಮಾ ಮತ್ತು ಪತ್ನಿಯನ್ನು ಕೋತಿಗಳಿಗೆ ಹೋಲಿಸಿ ವಿವಾದಕ್ಕೆ ಗುರಿಯಾಗಿದ್ದರು.