ಕೆಮ್ಮಿಂಜೆ ಸುಬ್ರಹ್ಮಣ್ಯ ತಂತ್ರಿ ನಿಧನ

ಪುತ್ತೂರು: ಕೆಮ್ಮಿಂಜೆ ಷಣ್ಮುಖ ಶ್ರೀ ಮಹಾವಿಷ್ಣು ಸೇವಾ ಟ್ರಸ್ಟ್‌ ಇದರ ಉಪಾಧ್ಯಕ್ಷ ಮತ್ತು ಪ್ರಗತಿಪರ ಕೃಷಿಕ ಕೆಮ್ಮಿಂಜೆ ಸುಬ್ರಹ್ಮಣ್ಯ ತಂತ್ರಿ ಅವರು ಗುರುವಾರ ಹೃದಯಾಘಾತದಿಂದ ನಿಧನ ಹೊಂದಿದ್ದರು. ತಂತ್ರಿ ಅವರಿಗೆ 60 ವರ್ಷ ಪ್ರಾಯವಾಗಿತ್ತು.

ಸುಬ್ರಹ್ಮಣ್ಯ ತಂತ್ರಿಯವರು ಪುತ್ತೂರಿನ ಸುಪ್ರಸಿದ್ಧ ತಂತ್ರಿ ಮನೆತನಕ್ಕೆ ಸೇರಿದವರಾಗಿದ್ದು ಕೆಮ್ಮಿಂಜೆ ಕೇಶವ ತಂತ್ರಿಯವರ ಹಿರಿಯ ಪುತ್ರರಾಗಿದ್ದಾರೆ.

ಈ ಹಿಂದೆ ಪುತ್ತೂರು ನಗರದ ದರ್ಬೆಯಲ್ಲಿ ಮೆಡಿಕಲ್‌ ಅಂಗಡಿಯ ಮಾಲಕತ್ವವನ್ನು ಹೊಂದಿದ್ದ ಸುಬ್ರಹ್ಮಣ್ಯ ತಂತ್ರಿಯವರು ತಮ್ಮ ತಂದೆಯವರು ನಿಧನ ಹೊಂದಿದ ಬಳಿಕ ಉದ್ಯಮವನ್ನು ತೊರೆದು ಸಂಪೂರ್ಣವಾಗಿ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದರು.

ಸಾಮಾಜಿಕ ಹಾಗೂ ಧಾರ್ಮಿಕ ಚಟುವಟಿಕೆಗಳಲ್ಲೂ ಸುಬ್ರಹ್ಮಣ್ಯ ತಂತ್ರಿಯವರು ಸಕ್ರಿಯರಾಗಿದ್ದರು. ಮಜಲುಮಾರು ಉಮಾಮಹೇಶ್ವರ ದೇವಸ್ಥಾನದ ಶ್ರೀ ಉಮಾಮಹೇಶ್ವರ ಸೇವಾ ಟ್ರಸ್ಟ್‌ ನ ಉಪಾಧ್ಯಕ್ಷರಾಗಿ, ಬೆದ್ರಾಳ ನಂದಿಕೇಶ್ವರ ಭಜನಾ ಮಂದಿರದ ಗೌರವಾಧ್ಯಕ್ಷರಾಗಿಯೂ ಇವರು ಕಾರ್ಯನಿರ್ವಹಿಸುತ್ತಿದ್ದರು.

ಮೃತರು ಪತ್ನಿ ಮತ್ತು ಇಬ್ಬರು ಪುತ್ರರನ್ನು ಅಗಲಿದ್ದಾರೆ.