Kelarkalabettu: ವ್ಯಕ್ತಿ ನಾಪತ್ತೆಯಾಗಿ 22 ವರ್ಷದ ಬಳಿಕ ದೂರು ದಾಖಲು

ಮಲ್ಪೆ: ಸುಮಾರು 22 ವರ್ಷಗಳ ಹಿಂದೆ ಮನೆ ಬಿಟ್ಟು ಹೋಗಿದ್ದ ತೆಂಕನಿಡಿಯೂರು ಕೆಳಾರ್ಕಳಬೆಟ್ಟುವಿನ ಅನಿಲ್‌ ಡಿ’ಸೋಜಾ (ಈಗಿನ ವಯಸ್ಸು-55) ಅವರು ಈವರೆಗೂ ವಾಪಸು ಬಾರದೆ ನಾಪತ್ತೆಗಿದ್ದಾರೆ ಎಂದು ಮಲ್ಪೆ ಪೊಲೀಸ್‌ ಠಾಣೆಗೆ ಮಗ ಅನ್‌ಸ್ಟನ್‌ ಡಿಸೋಜಾ ದೂರು ನೀಡಿದ್ದಾರೆ.

ಅವರು ಚಾಲಕ ವೃತ್ತಿಯನ್ನು ಮಾಡಿಕೊಂಡಿದ್ದರು. 22 ವರ್ಷಗಳ ಹಿಂದೆ ದೂರು ನೀಡಲಾಗಿತ್ತಾದರೂ, ಈವರೆಗೂ ಪತ್ತೆಯಾಗದ ಕಾರಣ ಮರುದೂರು ನೀಡಲಾಗಿದೆ ಎಂದು ತಿಳಿದುಬಂದಿದೆ.