Keerthy Suresh: ಪೋಷಕರು ನಿಶ್ಚಯಿಸಿದ ಹುಡುಗನ ಜತೆ ನಡೆಯಲಿದೆ ಕೀರ್ತಿ ಸುರೇಶ್‌ ಮದುವೆ?

ಚೆನ್ನೈ: ಬಹುಭಾಷಾ ನಟಿ, ಸೌತ್‌ ಬೆಡಗಿ ಕೀರ್ತಿ ಸುರೇಶ್‌ (Keerthy Suresh) ಮದುವೆ ವಿಚಾರ ಮತ್ತೊಮ್ಮೆ ಸಿನಿವಲಯದಲ್ಲಿ ಹರಿದಾಡಿದೆ.

ಕಳೆದ ಕೆಲ ವರ್ಷಗಳಿದ ಕೀರ್ತಿ ಸುರೇಶ್‌ ಅವರ ವೈಯಕ್ತಿಕ ಜೀವನದ ವಿಚಾರಗಳು ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಲೇ ಇದೆ. ಅವರು ಶೀಘ್ರದಲ್ಲಿ ಮದುವೆ ಆಗುತ್ತಾರೆ ಎನ್ನುವ ಮಾತು ಕೂಡ ಕೇಳಿಬಂದಿತ್ತು.

ಇದೀಗ ಕೀರ್ತಿ ಸುರೇಶ್‌ ತಮ್ಮ ಪೋಷಕರು ನೋಡಿದ ಹುಡುಗನ ಜತೆ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವ ಲೇಟೆಸ್ಟ್‌ ಸುದ್ದಿಯೊಂದು ಹರಿದಾಡಿದೆ.

ಇದನ್ನೂ ಓದಿ: ಕಿರುತೆರೆ To ಹಿರಿತೆರೆ.. ಧಾರಾವಾಹಿಯಿಂದ ನೇಮ್‌ ಪಡೆದು ಸಿನಿಮಾದಲ್ಲಿ ಫೇಮ್‌ ಆದ ಕಲಾವಿದರು

ಕೀರ್ತಿ ಸುರೇಶ್ ಡಿಸೆಂಬರ್ ತಿಂಗಳಿನಲ್ಲಿಆಕೆಯ ಪೋಷಕರಿಂದ ನಿಶ್ಚಯಿಸಲ್ಪಟ್ಟ ಹುಡುಗನ ಜತೆ ಗೋವಾದಲ್ಲಿ ಮದುವೆ ಆಗಲಿದ್ದಾರೆ ಎಂದು ʼಏಷ್ಯಾನೆಟ್ ನ್ಯೂಸ್ʼ ವರದಿ ಮಾಡಿದೆ.

ಹುಡುಗ ಕೀರ್ತಿ ಸುರೇಶ್‌ ಅವರ ಸಂಬಂಧಿವೆಂದು ಹೇಳಲಾಗುತ್ತಿದೆ. ಸದ್ಯ ಈ ಬಗ್ಗೆ ನಟಿಯ ಕಡೆಯಿಂದ ಅಧಿಕೃತ ಮಾಹಿತಿ ಹೊರಬೀಳಬೇಕಿದೆ.

32 ವರ್ಷದ ʼಮಹಾನಟಿʼಯ ಮದುವೆ ವಿಚಾರ ಈ ಹಿಂದೆ ಕೂಡ ಹರಿದಾಡಿತ್ತು. ಈ ಹಿಂದೆ ಜನಪ್ರಿತ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಅವರೊಂದಿಗೆ ಕೀರ್ತಿ ಹಸೆಮಣೆ ಏರಲಿದ್ದಾರೆ ಎನ್ನಲಾಗಿತ್ತು. ಇದಲ್ಲದೆ ಕೇರಳ ಮೂಲದ ರಾಜಕಾರಣಿಯೊಬ್ಬರ ಜತೆ ವಿವಾಹವಾಗಲಿದ್ದಾರೆ ಎನ್ನುವ ಮಾತು ಕೂಡ ಕೇಳಿ ಬಂದಿತ್ತು.

ಸದ್ಯ ಕೀರ್ತಿ ಸುರೇಶ್‌ ಅವರು ʼಬೇಬಿ ಜಾನ್‌ʼ ಬೇಬಿ ಜಾನ್. ʼರಿವಾಲ್ವರ್ ರೀಟಾʼ ಮತ್ತು ʼಕನ್ನಿವೇದಿʼ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.