ಮೇ 6ರಿಂದ ಕೇದಾರನಾಥ ದೇಗುಲ ಪೂಜಾರಂಭ

ಕೇದಾರನಾಥ: ಉತ್ತರಾಖಂಡ‌ದಲ್ಲಿರುವ ವಿಶ್ವಪ್ರಸಿದ್ಧ ಕೇದಾರನಾಥ ದೇವಸ್ಥಾನದ ಬಾಗಿಲುಗಳನ್ನು ಮೇ 6ರಂದು ಬೆಳಗ್ಗೆ 6.25ಕ್ಕೆ ತೆರೆಯಲಾಗುವುದು.

ಹೀಗೆಂದು ಬದರಿ-ಕೇದಾರ ದೇಗುಲ ಸಮಿತಿ ಅಧ್ಯಕ್ಷ ಹರೀಶ್‌ ಗೌಡ ತಿಳಿಸಿದ್ದಾರೆ.

ಮಹಾ ಶಿವರಾತ್ರಿ ಹಿನ್ನೆಲೆಯಲ್ಲಿ ಓಂಕಾರೇಶ್ವರ ದೇಗುಲದಲ್ಲಿ ಕೇದಾರನಾಥನಿಗೆ ಸಣ್ಣದಾಗಿ ಪೂಜೆ ನಡೆಸಲಾಯಿತು. ಈ ವೇಳೆ ಮೇಲಿನ ಪ್ರಕಟಣೆ ಮಾಡಲಾಗಿದೆ.

ಚಳಿಗಾಲದ ಹೊತ್ತಿನಲ್ಲಿ ಕೇದಾರನಾಥದ ಪಂಚಮುಖೀ ಶಿವನನ್ನು ಓಂಕಾರೇಶ್ವರ ದೇಗುಲದಲ್ಲಿ ಪೂಜಿಸಲಾಗುತ್ತದೆ. ಮಾ.2ರಿಂದ ಓಂಕಾರೇಶ್ವರ ದೇಗುಲದಿಂದ ಈ ಮೂರ್ತಿ ಮತ್ತೆ ಕೇದಾರನಾಥಕ್ಕೆ ಅಲಂಕೃತ ಪಲ್ಲಕ್ಕಿಯಲ್ಲಿ ಹೊರಡುತ್ತದೆ.