ಇಂದು ಮರವೂರಿನಿಂದ ಕಟೀಲಿಗೆ ಪಾದಯಾತ್ರೆ

ಬಜಪೆ: ಮರವೂರು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನ ದಿಂದ ಕಟೀಲು ಶ್ರೀ ದುರ್ಗಾ ಪರಮೇಶ್ವರೀ ದೇವಸ್ಥಾನಕ್ಕೆ ಲೋಕ ಕಲ್ಯಾಣಾರ್ಥ, ಸಕಲ ಸಂಕಷ್ಟ ಹಾಗೂ ಗ್ರಹಚಾರ ದೋಷ ನಿವಾರಣೆಗಾಗಿ 5ನೇ ವರ್ಷದ “ಅಮ್ಮನೆಡೆಗೆ ನಮ್ಮ ನಡೆ’ ಸಾಮೂಹಿಕ ಪಾದಯಾತ್ರೆ ಫೆ. 4ರಂದು ನಡೆಸಲಾಗುತ್ತಿದೆ. 

ರವಿವಾರ ಬೆಳಗ್ಗೆ 7ಕ್ಕೆ ಮರವೂರು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನ ದಲ್ಲಿ ಕದ್ರಿ ಯೋಗೇಶ್ವರ ಮಠದ ರಾಜಯೋಗಿ ಶ್ರೀ ನಿರ್ಮಲ ನಾಥ್‌ಜೀ ಮಹಾರಾಜ್‌, ಸಂಸದ ನಳಿನ್‌ ಕುಮಾರ್‌, ಮೇಯರ್‌ ಕವಿತಾ
ಸನಿಲ್‌, ಕಟೀಲು ಕ್ಷೇತ್ರದ ಆಡಳಿತ ಮೊಕ್ತೇಸರ ಸನತ್‌ ಕುಮಾರ್‌ ಶೆಟ್ಟಿ,
ಆನುವಂಶಿಕ ಅರ್ಚಕರಾದ ಕೆ. ವಾಸುದೇವ ಅಸ್ರಣ್ಣ, ಲಕ್ಷ್ಮೀ ನಾರಾಯಣ ಅಸ್ರಣ್ಣ  ಹಾಗೂ ಅನಂತ ಪದ್ಮನಾಭ ಅಸ್ರಣ್ಣ ಇವರ ಉಪಸ್ಥಿತರಿದ್ದು ಪಾದಯಾತ್ರೆಗೆ ಚಾಲನೆ ನೀಡಿದರು. 

ದಾರಿಯುದ್ದಕ್ಕೂ ಪಾನೀಯ  ವ್ಯವಸ್ಥೆ ಮಾಡಲಾಗುತ್ತದೆ  ಎಂದು ಪಾದಯಾತ್ರೆ ಸಮಿತಿ ಅಧ್ಯಕ್ಷ ಸಂದೀಪ್‌ ಶೆಟ್ಟಿ ಮರವೂರು ತಿಳಿಸಿದ್ದಾರೆ.