Kateel Temple: 44 ಜೋಡಿಗಳಿಗೆ ವಿವಾಹ

ಕಟೀಲು: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವ ಸ್ಥಾನದಲ್ಲಿ ನ. 19ರಂದು 44 ಜೋಡಿಗಳಿಗೆ ಸರಳ ರೀತಿಯಲ್ಲಿ ವಿವಾಹವು ನಡೆಯಿತು.

ರವಿವಾರ ಬೆಳಿಗ್ಗೆ 8ರಿಂದ ಆರಂಭವಾದ ವಿವಾಹ ಮುಹೂರ್ತ 1 ಗಂಟೆಯ ತನಕ ನಡೆದಿದ್ದು ಸುಮಾರು 15 ಸಾವಿರಕ್ಕೂ ಹೆಚ್ಚು ಭಕ್ತರು ಭೇಟಿ ನೀಡಿದ್ದಾರೆ. 8 ಸಾವಿರದಷ್ಟು ಭಕ್ತರು ಅನ್ನ ಪ್ರಸಾದ ಭೋಜನ ಸ್ವೀಕರಿಸಿದ್ದಾರೆ.

ಮದುವೆಗೆ 4 ಕೌಂಟರ್‌ : ಮದುವೆ ಮುಹೂರ್ತ ಸುವವ್ಯಸ್ಥಿತ ವಾಗಿ ನಡೆಯುವ ನಿಟ್ಟಿನಲ್ಲಿ ಮದುವೆ ವ್ಯವಸ್ಥೆಗೆ 8 ಜನ ಅರ್ಚಕ ಪುರೋಹಿತರು 4 ಕೌಂಟರ್‌ ಹಾಗೂ ನೋಂದಣಿಗೆ ಪ್ರತ್ಯೇಕ ಸಿಬಂದಿ ನೇಮಕ ಮಾಡಲಾಗಿತ್ತು. ಇದರಿಂದ ಸುಗಮವಾಗಿ ಮದುವೆ ಕಾರ್ಯಕ್ರಮ ಜರಗಿತು.