Kashmir ಚುನಾವಣೆ: ಸ್ವತಂತ್ರ ಅಭ್ಯರ್ಥಿ ಕಣಕ್ಕಿಳಿಸಲು ‘ಜಮಾತ್‌’ ಯೋಜನೆ!

ಶ್ರೀನಗರ: ಜಮ್ಮು ಕಾಶ್ಮೀರ ಚುನಾವಣೆಯಲ್ಲಿ ಸ್ವತಂತ್ರ ಅಭ್ಯರ್ಥಿಯನ್ನು ಕಣಕ್ಕಿಳಿಸಲು ನಿಷೇಧಿತ, ಪಾಕಿÓನಿ ಬೆಂಬಲಿತ ಜಮಾತ್‌ ಇ ಇಸ್ಲಾಮಿ ಸಂಘಟನೆ ಚಿಂತನೆ ನಡೆಸಿದೆ. ಈ ಮೂಲಕ ಹಿಂಬಾಗಿಲ ಮೂಲಕ ಮತ್ತೂಮ್ಮೆ ಭಾರತದಲ್ಲಿ ನೆಲೆ ಕಂಡುಕೊಳ್ಳಲು ಮುಂದಾ­ಗಿದೆ ಎನ್ನಲಾಗಿದೆ.

ಇದು ಭಾರೀ ರಾಜ­ಕೀಯ ಚರ್ಚೆಗೆ ಕಾರಣವಾಗಿದ್ದು, ಮತ್ತೂಮ್ಮೆ ಕಣಿವೆ ರಾಜ್ಯದಲ್ಲಿ ಅಶಾಂತಿ ತಲೆದೋರಬಹುದು ಎನ್ನಲಾ­ಗಿದೆ. ಜಮಾತ್‌ ನಡೆಯನ್ನು ಮಾಜಿ ಸಿಎಂ ಫಾರೂಕ್‌ ಅಬ್ದುಲ್ಲಾ ಟೀಕಿಸಿದ್ದು, ಒಂದು ಕಾಲದಲ್ಲಿ ಚುನಾವ­ಣೆಯನ್ನು ಹರಾಮ್‌ (ನಿಷಿದ್ಧ) ಎಂದು ಜಮಾತ್‌ ಕರೆದಿತ್ತು. ಆದರೆ ಅದು ಈಗ ಹಲಾಲ್‌ (ಒಪ್ಪಿತ) ಆಗಿದೆ ಎಂದು ವ್ಯಂಗ್ಯವಾಡಿದ್ದಾರೆ. ಉಗ್ರ ಕೃತ್ಯಗಳಿಗೆ ಬೆಂಬಲ ಕಾರಣಕ್ಕೆ ಜಮಾತ್‌ ಸಂಘಟನೆಯನ್ನು 2019ರಲ್ಲಿ ಕೇಂದ್ರ ಸರಕಾರ ನಿಷೇಧಿಸಿತ್ತು.