ಕಾಸರಗೋಡು: 1.03 ಕೋಟಿ ರೂ. ಮೌಲ್ಯದ ಚಿನ್ನ ವಶಕ್ಕೆ : ಬಂಧನ

ಕಾಸರಗೋಡು: ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಣ್ಣೂರು ಕಸ್ಟಂಸ್‌ ದಳ ಮತ್ತು ಪಾಸ್‌ಫೋರ್ಟ್‌ ಏರ್‌ ಕಸ್ಟಂಸ್‌ ಜಂಟಿಯಾಗಿ ನಡೆಸಿದ ಕಾರ್ಯಾಚರಣೆಯಲ್ಲಿ ವಿದೇಶದಿಂದ ಅಕ್ರಮವಾಗಿ ಸಾಗಿಸಿದ 1.832 ಕಿಲೋ ಚಿನ್ನವನ್ನು ವಶಪಡಿಸಿಕೊಂಡು ಕಾಸರಗೋಡಿನ ಶೈಶಾದ್‌ನನ್ನು ಬಂಧಿಸಿದೆ.

ಈತ ಶಾರ್ಜಾದಿಂದ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ವಿಮಾನದಲ್ಲಿ ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿದ್ದನು. ಚಿನ್ನ ಸಾಗಾಟದ ಬಗ್ಗೆ ಡಿಆರ್‌ಐಗೆ ಲಭಿಸಿದ ರಹಸ್ಯ ಮಾಹಿತಿಯಂತೆ ಆತನನ್ನು ವಿಮಾನ ನಿಲ್ದಾಣದಲ್ಲಿ ಜಂಟಿಯಾಗಿ ತಡೆದು ನಿಲ್ಲಿಸಿ ತಪಾಸಣೆ ಮಾಡಿದಾಗ ಆತ ಧರಿಸಿದ್ದ ಒಳ ಉಡುಪಿನಲ್ಲಿ ಪೇಸ್ಟ್‌ ರೂಪದಲ್ಲಿ ಮೂರು ಚಿನ್ನದ ಮಾತ್ರೆಗಳನ್ನು ಪತ್ತೆಹಚ್ಚಲಾಯಿತು.