Kasaragod: ಪ್ರೇಯಸಿಯ ಕೊಂ*ದು, ಚಿನ್ನಾಭರಣ ಕಳವು; ಜೀವಾವಧಿ ಸಜೆ, ದಂಡ

ಕಾಸರಗೋಡು: ತನ್ನ ಜತೆ ಒಂದೇ ಕ್ವಾರ್ಟರ್ಸ್‌ನಲ್ಲಿ ವಾಸಿಸುತ್ತಿದ್ದ ಪ್ರೇಯಸಿ ಕರ್ನಾಟಕದ ಉಡುಪಿ ನಿವಾಸಿ ಹುಳುಗಮ್ಮ (35) ಅವರನ್ನು ಕೊಲೆಗೈದು, ನಗದು, ಚಿನ್ನದ ಒಡವೆ ಹಾಗು ಮೊಬೈಲ್‌ ಫೋನ್‌ ಕಳವು ಮಾಡಿ ಪರಾರಿಯಾದ ಮೂಲತಃ ಕರ್ನಾಟಕ ಬಿಜಾಪುರ ಬಬಿಲೇಶ್ವರ ನಿವಾಸಿ, ಉಪ್ಪಳ ಹಿದಾಯತ್‌ನಗರದ ಕ್ವಾರ್ಟರ್ಸ್‌ನಲ್ಲಿ ವಾಸಿಸುತ್ತಿದ್ದ ಸಂತೋಷ ದೊಡ್ಡಮನೆ(40)ಗೆ ಕಾಸರಗೋಡು ಹೆಚ್ಚುವರಿ ಜಿಲ್ಲಾ ಸೆಶನ್ಸ್‌ ನ್ಯಾಯಾಲಯ(ಪ್ರಥಮ) ಜೀವಾವಧಿ ಸಜೆ ಹಾಗೂ 2 ಲಕ್ಷ ರೂ. ದಂಡ ವಿಧಿಸಿ ತೀರ್ಪು ನೀಡಿದೆ.

ದಂಡ ಪಾವತಿಸದಿದ್ದಲ್ಲಿ 2 ವರ್ಷ ಹೆಚ್ಚೆವರಿಯಾಗಿ ಸಜೆ ಅನುಭವಿಸುವಂತೆ ತೀರ್ಪಿನಲ್ಲಿ ತಿಳಿಸಿದೆ.

2013 ಜುಲೈ 31ರಂದು ಆ ಕ್ವಾರ್ಟರ್ಸ್‌ನಲ್ಲಿ ಆಕೆ ಧರಿಸಿದ್ದ ಸೀರೆಯನ್ನೇ ಕುತ್ತಿಗೆಗೆ ಬಿಗಿದು ಕೊಲೆಗೈದು, ಚಿನ್ನದ ಒಡವೆ, ಹಣ ಮತ್ತು ಮೊಬೈಲ್‌ ಫೋನನ್ನು ಕಳವು ಮಾಡಿ ಪರಾರಿಯಾಗಿದ್ದ. ಈ ಇಬ್ಬರೂ ಕೂಲಿ ಕಾರ್ಮಿಕರಾಗಿದ್ದರು. ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸಿದ್ದರು.