ಕಾಸರಗೋಡು: ಉದಿನೂರು ವಡಕ್ಕೇಪುರ ನಿವಾಸಿ ಕೆ.ರಾಜೀವನ್‌(45) ಹಿತ್ತಿಲಿನಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ. ಚಂದೇರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆತ್ಮಹತ್ಯೆಗೆ ಕಾರಣ ತಿಳಿದು ಬಂದಿಲ್ಲ.
Advertisement
ಬಾವಿಗೆ ಬಿದ್ದು ಯುವಕನ ಸಾವುಕಾಸರಗೋಡು: ಕೂಡ್ಲು ಪಾರೆಕಟ್ಟೆ ನಿವಾಸಿ ದಿ|ರಾಮ ಪಾಟಾಳಿ ಅವರ ಪುತ್ರ ಉದಯ ಕುಮಾರ್‌(42) ಮನೆ ಸಮೀಪದ ಬಾವಿಗೆ ಬಿದ್ದು ಸಾವಿಗೀಡಾದ ಘಟನೆ ನಡೆದಿದೆ. ಈ ಹಿಂದೆ ಕೊಲ್ಲಿಯಲ್ಲಿ ಉದ್ಯೋಗದಲ್ಲಿದ್ದ ಅವರು ಊರಿಗೆ ಮರಳಿ ಪೈಂಟಿಂಗ್‌ ಕೆಲಸ ನಿರ್ವಹಿಸುತ್ತಿದ್ದರು.
ಕುಂಬಳೆ: ಇಲ್ಲಿನ ಸಿಎಚ್‌ಸಿ ರಸ್ತೆಯಲ್ಲಿರುವ ತ್ವಾಹ ಮಸೀದಿಯಲ್ಲಿ ಕಾರ್ಯಾಚರಿಸುವ ಮದ್ರಸಾ ಪರಿಸರದಲ್ಲಿ ವಾನರವೊಂದು ದಾಳಿ ಮಾಡಿದ್ದು, ಮದ್ರಸಾ ಅಧ್ಯಾಪಕ ಪವಾಸ್‌ ದಾರಿಮಿಯ ಗಾಯಗೊಂಡಿದ್ದಾರೆ. ಇದೇ ಸಂದರ್ಭದಲ್ಲಿ ಸಮೀಪದ ರಸ್ತೆಯಲ್ಲಿ ಸೈಕಲ್‌ನಲ್ಲಿ ತೆರಳುತ್ತಿದ್ದ ವಿದ್ಯಾರ್ಥಿಯ ಮೇಲೂ ದಾಳಿ ನಡೆಸಿ ಗಾಯಗೊಳಿಸಿದೆ. ಮರಳು ಸಂಗ್ರಹ : 7 ದೋಣಿ ನಾಶ
ಕಾಸರಗೋಡು: ಮೊಗ್ರಾಲ್‌ಪುತ್ತೂರು ಹೊಳೆಯಿಂದ ಅಕ್ರಮವಾಗಿ ಮರಳು ಸಂಗ್ರಹಿಸುತ್ತಿದ್ದ 7 ದೋಣಿಗಳನ್ನು ವಶಪಡಿಸಿಕೊಂಡ ಕುಂಬಳೆ ಪೊಲೀಸರು ಜೆಪಿಸಿ ಬಳಸಿ ಈ ಏಳು ದೋಣಿಗಳನ್ನು ನಾಶಗೊಳಿಸಿದರು. ಮರಳು ಸಾಗಾಟ ಬಗ್ಗೆ ದೂರು ಲಭಿಸಿತ್ತು. ಅದರಂತೆ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು.