Kasaragod; ಬಂದೂಕು ತೋರಿಸಿ ಹಲ್ಲೆ : ನಾಲ್ವರ ಮೇಲೆ ಕೇಸು

ಕಾಸರಗೋಡು: ವಿದೇಶದಲ್ಲಿ ನಡೆದ ಹಣದ ವ್ಯವಹಾರದ ನೆಪದಲ್ಲಿ ಯುವಕನಿಗೆ ಬಂದೂಕು ತೋರಿಸಿ ಬೆದರಿಸಿ ಕಬ್ಬಿಣದ ಸರಳಿನಿಂದ ಹಲ್ಲೆ ಮಾಡಿರುವುದಾಗಿ ಕೀಯೂರು ಕುರುಂಬಾ ಭಗವತೀ ಕ್ಷೇತ್ರ ಪರಿಸರ ನಿವಾಸಿ ಇಸ್ಮಾಯಿಲ್‌(28) ಮೇಲ್ಪರಂಬ ಪೊಲೀಸರಿಗೆ ದೂರು ನೀಡಿದ್ದಾರೆ. ಅದರಂತೆ ಕುಂಞಮ್ಮದ್‌, ಮೆಹ್‌ರೂಫ್‌, ಶಫೀಕ್‌ ಮತ್ತು ಶಹಾದ್‌ ಅಫ್ರೀದ್‌ ವಿರುದ್ಧ ಪೊಲೀಸರು ಕೇಸು ದಾಖಲಿಸಿದ್ದಾರೆ. ಡಿ. 31ರಂದು ರಾತ್ರಿ ಮೇಲ್ಪರಂಬ ಬಸ್‌ ತಂಗುದಾಣದ ಬಳಿ ಹಲ್ಲೆ ಮಾಡಿದ್ದಾಗಿ ಹಾಗೂ ಹಲ್ಲೆ ತಡೆಯಲು ಯತ್ನಿಸಿದ ಶಾನವಾಸ್‌ ಅವರಿಗೂ ಹಲ್ಲೆ ಮಾಡಿದ್ದಾಗಿ ದೂರು ನೀಡಲಾಗಿದೆ.