ಕಾರ್ಕಳ: ಅಪಾಯಕಾರಿ ಮ್ಯಾನ್‌ ಹೋಲ್

ಅಜೆಕಾರು (ಕಾಬೆಟ್ಟು): ಕಾರ್ಕಳ ಪುರಸಭೆ ವ್ಯಾಪ್ತಿಯ ಕಾಬೆಟ್ಟು ಕಟ್ಟಿಮಾರ್‌ ಬಳಿ ಒಳಚರಂಡಿಯ ಮ್ಯಾನ್‌ ಹೊಲ್ನ ಮುಚ್ಚಳ ತೆರೆದ ಸ್ಥಿತಿಯಲ್ಲಿದ್ದು ಅಪಾಯಕಾರಿಯಾಗಿ ಪರಿಣಮಿಸಿದೆ.

ಕಾಬೆಟ್ಟುವಿನಲ್ಲಿರುವ ಡ್ರೈನೇಜ್‌ ಬಳಿ ಕಳೆದ 5 ದಿನಗಳಿಂದ ಮ್ಯಾನ್‌ ಹೋಲ್ನ ಮುಚ್ಚಳ ತೆರೆದಿದ್ದು ಈ ಮಾರ್ಗವಾಗಿ ಶಾಲಾ ಮಕ್ಕಳು ಹಾಗೂ ಸಾರ್ವಜನಿಕರು ಪ್ರತಿ ನಿತ್ಯ ಸಂಚರಿಸುತ್ತಾರೆ.ನಡೆದುಕೊಂಡು ಹೋಗುವ ಸಂದರ್ಭ ಆಯ ತಪ್ಪಿ ಒಳ ಚರಂಡಿಯೊಳಗೆ ಬಿದ್ದಲ್ಲಿ ಜೀವಕ್ಕೆ ಅಪಾಯ ಉಂಟಾಗಲಿದೆ. ಸುಮಾರು 10ಅಡಿಗಳಿಗೂ ಹೆಚ್ಚು ಆಳವಿರುವ ಈ ಮ್ಯಾನ್‌ ಹೋಲ್ ತೆರೆದಿರುವುದರಿಂದ ದನಕರುಗಳು ಸಹ ಇದರೊಳಗೆ ಬೀಳುವ ಸಂಭವವಿದೆ.

ಅನಾಹುತ ನಡೆಯುವ ಮುನ್ನವೇ ಪುರಸಭೆ ಈ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಸ್ಥಳೀಯರು ಆಗ್ರಹಿಸಿದ್ದಾರೆ.