‌Bollywood: ‘ಧಡಕ್‌ -2ʼ ಅನೌನ್ಸ್: ಮತ್ತೆ ಲವ್‌ ಸ್ಟೋರಿ ಹೇಳಲು ಹೊರಟ ಕರಣ್‌ ಜೋಹರ್

ಮುಂಬಯಿ: ನಿರ್ಮಾಪಕ ಕರಣ್‌ ಜೋಹರ್‌ ಹೊಸ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ. ಸಿನಿಮಾದ ಟೈಟಲ್‌ ಕೇಳಿ ಬಿಟೌನ್‌ ಪ್ರಿಯರು ಖುಷ್‌ ಆಗಿದ್ದಾರೆ.

2018 ರಲ್ಲಿ ಬಂದಿದ್ದ ʼ ಧಡಕ್‌ʼ ಸಿನಿಮಾದ ಸೀಕ್ವೆಲ್‌ ʼ ಧಡಕ್ 2′ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ. 2018 ರಲ್ಲಿ ಜಾನ್ವಿ ಕಪೂರ್ ಮತ್ತು ಇಶಾನ್ ಖಟ್ಟರ್ ʼಧಡಕ್‌ʼ ಸಿನಿಮಾದಲ್ಲಿ ನಟಿಸಿದ್ದರು. ಇದು ಮರಾಠಿ ಸೂಪರ್‌ ಹಿಟ್‌ ʼಸೈರಾಟ್‌ʼ ಸಿನಿಮಾದ ರಿಮೇಕ್‌ ಆಗಿತ್ತು. ಇದೀಗ ಕರಣ್‌ ಜೋಹರ್‌ ʼಧಡಕ್‌ -2ʼ ಅನೌನ್ಸ್‌ ಮಾಡಿದ್ದಾರೆ.

“ಒಂದು ಕಾಲದಲ್ಲಿ ಒಬ್ಬ ರಾಜನಿದ್ದನು ಮತ್ತು ಒಬ್ಬ ರಾಣಿ ಇದ್ದಳು, ಅವರು ಭಿನ್ನ ವರ್ಗದವರಾಗಿದ್ದರು ಮತ್ತು ಇದು ಕಥೆಯ ಅಂತ್ಯ” ಎಂದು ಕರಣ್‌ ಬರೆದುಕೊಂಡಿದ್ದಾರೆ.

ಈ ಸಿನಿಮಾವನ್ನು ಶಾಜಿಯಾ ಇಕ್ಬಾಲ್ ನಿರ್ದೇಶನ ಮಾಡಲಿದ್ದು, ಸಿದ್ಧಾಂತ್ ಚತುರ್ವೇದಿ ಮತ್ತು ತೃಪ್ತಿ ದಿಮ್ರಿ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ.

ʼಧಡಕ್‌ʼ ನೋಡಿದ ಪ್ರೇಕ್ಷಕರು ಸಿನಿಮಾದ ಸೀಕ್ವೆಲ್‌ ಅನೌನ್ಸ್‌ ಸುದ್ದಿ ಕೇಳಿ ಥ್ರಿಲ್‌ ಆಗಿದ್ದಾರೆ.

ಇದೇ ವರ್ಷದ ನವೆಂಬರ್‌ 22 ರಂದು ಸಿನಿಮಾ ತೆರೆ ಕಾಣಲಿದೆ. ಝೀ ಸ್ಟುಡಿಯೋಸ್, ಧರ್ಮ ಪ್ರೊಡಕ್ಷನ್ಸ್ ಮತ್ತು ಕ್ಲೌಡ್ 9 ಪಿಕ್ಚರ್ಸ್ ಸಿನಿಮಾವನ್ನು ನಿರ್ಮಾಣ ಮಾಡಲಿದೆ.

ಇತ್ತೀಚೆಗಷ್ಟೇ ಕರಣ್‌ ತನ್ನ ಹುಟ್ಟುಹಬ್ಬದಂದು ಹೊಸ ಸಿನಿಮಾವನ್ನು ನಿರ್ದೇಶನ ಮಾಡುವುದಾಗಿ ಘೋಷಿಸಿದ್ದರು.