Kapu : ಬೈಕ್‌ ಕಳ್ಳನ ಸೆರೆ

ಕಾಪು: ಕಾಪು ಫ್ಲೈಓವರ್‌ ಬಳಿ ನಿಲ್ಲಿಸಿದ್ದ ಬೈಕ್‌ ಅನ್ನು ಕಳವುಗೈದಿರುವ ಆರೋಪಿ ಮಂಗಳೂರು ಕಸಬಾ ಬೇಂಗ್ರೆ ನಿವಾಸಿ ಅಹಮದ್‌ ನಿನಾನ್‌ ಯಾನೆ ಚಿನ್ನು (23)ನನ್ನು ಕಾಪು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ಪ್ರಕರಣದ ವಿವರ
ಸುರತ್ಕಲ್‌ ಸುಲ್ತಾನ್‌ ಜುವೆಲರ್ಸ್‌ನಲ್ಲಿ ಕೆಲಸ ಮಾಡಿಕೊಂಡಿರುವ ಬಂಟಕಲ್ಲು ಹೇರೂರು ನಿವಾಸಿ ಚೇತನ್‌ ಆಚಾರ್ಯ ಅವರು ಕಾಪು ಫ್ಲೈ ಓವರ್‌ ಪಾರ್ಕಿಂಗ್‌ ಸ್ಥಳದಲ್ಲಿ ನಿಲ್ಲಿಸಿ ಹೋಗಿದ್ದ ಬೈಕ್‌ ಜು. 10ರಿಂದ 15ರ ನಡುವೆ ಕಳವಾಗಿತ್ತು. ಈ ಬಗ್ಗೆ ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಕಳವಾಗಿದ್ದ ಬೈಕ್‌ ಆ. 4ರಂದು ಕೊಪ್ಪಲಂಗಡಿಯಲ್ಲಿ ಪತ್ತೆಯಾಗಿದ್ದು, ಪೊಲೀಸರು ಬೈಕ್‌ ಅನ್ನು ವಶಕ್ಕೆ ಪಡೆದು ಕಳ್ಳನ ಪತ್ತೆಗಾಗಿ ತನಿಖೆ ಚುರುಕುಗೊಳಿಸಿದ್ದರು.