ಕಾಂತಾರ ಅರಣ್ಯಾಧಿಕಾರಿಯೂ…ಶಿರಸಿ ದೈಹಿಕ ಶಿಕ್ಷಕ ಗಣೇಶರೂ..

ಶಿರಸಿ: ದೇಶ ಹಾಗೂ ಬೇರೆ ಬೇರೆ ದೇಶಗಳಲ್ಲೂ ಸದ್ದು‌ ಮಾಡುತ್ತಿರುವ ಕಾಂತಾರ ಚಿತ್ರದಲ್ಲಿ ಅರಣ್ಯ ಅಧಿಕಾರಿಯಾಗಿ ಖಡಕ್ ಪಾತ್ರದಲ್ಲಿ ಗಮನ ಸೆಳೆದಿರುವ ಪ್ರಖ್ಯಾತ ನಟ ಕಿಶೋರ್ ಅವರ ಅಭಿನಯದಂತೆ ಶಿರಸಿಯ ದೈಹಿಕ ಶಿಕ್ಷಕರೊಬ್ಬರ ನಡುವಳಿಕೆಗೂ ಹೋಲಿಕೆ ಮಾಡಿ ಟ್ರೋಲ್ ಮಾಡಿದ್ದು ಈಗ ವೈರಲ್ ಆಗಿದೆ.

ಶಿರಸಿ ಮಾರಿಕಾಂಬಾ ಪ್ರೌಢ ಶಾಲೆಯಲ್ಲಿ ದೈಹಿಕ ಶಿಕ್ಷಕರಾಗಿ ಕೆಲಸ ಮಾಡಿ ಈಗ ಇಸಳೂರು ಶಾಲಾ ದೈಹಿಕ ಶಿಕ್ಷಕರಾದ ಬಿ.ವಿ ಗಣೇಶ್ ಅವರನ್ನು ಟ್ರೋಲ್ ಮಾಡಲಾಗಿದೆ.

ರೂಪದಲ್ಲಿ ಕಿಶೋರ್ ಅವರ ಸಾಮಾನ್ಯ ಹೋಲಿಕೆ ಜೊತೆಗೆ ಅವರ ಪಾತ್ರದ ಬಿಗುತನ, ಮೃದುತನ ಎರಡೂ ಬಿ.ವಿ.ಗಣೇಶರಿಗೂ ಹೋಲಿಕೆ ಆಗುತ್ತಿದೆ. ಟ್ರೋಲ್ ಆಗುವ ತನಕವೂ ಗಣೇಶ್ ಅವರು ಈ ಚಿತ್ರ ನೋಡಿಲ್ಲವಂತೆ. ಮಕ್ಕಳ ಒಳಿತಿಗಾಗಿ ಬಿಗು ನಡುವಳಿಕೆ ಇಟ್ಟುಕೊಂಡ ಕಾರಣಕ್ಕೆ ಅವರ ಶಿಷ್ಯ ಬಳಗ, ಸಾರ್ವಜನಿಕರು ಟ್ರೋಲ್ ಗೆ ಪ್ರತಿಕ್ರಿಯೆ ನೀಡುತ್ತಿದ್ದಾರೆ.