Kannada cinema; ತೆರೆಯತ್ತ ‘ಶೋಷಿತೆ’

ಹೊಸಬರ ಶೋಷಿತೆ ಚಿತ್ರ ಇಂದು ತೆರೆಕಂಡಿದೆ. ಈ ಚಿತ್ರವನ್ನು ಶಶಿಧರ್‌ ನಿರ್ದೇಶಿಸಿದ್ದಾರೆ. ಇವರ ಪತ್ನಿ ಸಿರಿಶಾ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ಶಶಿಧರ್‌, “ಮಧ್ಯಮ ವರ್ಗದ ಹುಡುಗಿಗೆ ಯಾವ ರೀತಿಯ ಕಷ್ಟಗಳು ಒದಗಿಬರುತ್ತವೆ ಮತ್ತು ಅದನ್ನು ಹೇಗೆ ಎದುರಿಸುತ್ತಾಳೆ.

ಸಮಾಜದಲ್ಲಿ ಇಂತಹವರಿಗೆ ಬರುವ ತೊಂದರೆಗಳಾದರೂ ಏನು ಎಂಬ ಅಂಶದ ಜೊತೆಗೆ ಗೆಳತನ, ಹಣದ ವಿಚಾರದಲ್ಲಿ ಯಾರನ್ನೂ ನಂಬಬೇಡಿ… ಇಂತಹ ಸೂಕ್ಷ್ಮ ವಿಷಯಗಳು ಎಲ್ಲಾ ಕಡೆಗಳಲ್ಲಿ ನಡೆಯುತ್ತಲೇ ಇರುತ್ತವೆ. ಇದರಿಂದ ನೀವುಗಳು ಜಾಗೃತರಾಗ ಬೇಕೆಂದು ಅರ್ಥಪೂರ್ಣ ಸನ್ನಿವೇಶಗಳ ಮೂಲಕ ತೋರಿಸುವ ಪ್ರಯತ್ನ ಮಾಡಲಾಗಿದೆ’ ಎಂದರು.

ಚಿತ್ರದ ಮುಖ್ಯಭೂಮಿಕೆಯಲ್ಲಿ ಡಾ.ಜಾನ್ವಿರಾಯಲ ಕಾಣಿಸಿಕೊಂಡಿದ್ದಾರೆ. ರೂಪ ರಾಯಪ್ಪ ಖಳನಾಯಕಿ ಪಾತ್ರ ಮಾಡಿದ್ದಾರೆ. ಇವರೊಂದಿಗೆ ನವಿನ್‌ ತಾತೇರ್‌, ವೆಂಕ್ಷ, ಪ್ರಶಾಂತ್‌, ದರ್ಶನ್‌ ಹಾಗೂ ರಂಗಭೂಮಿ ಕಲಾವಿದರುಗಳಿಗೆ ಅವಕಾಶ ಮಾಡಿಕೊಡಲಾಗಿದೆ. ಹಾಡಿಗೆ ಕೆವಿನ್‌.ಎಂ. ಸಂಗೀತ ಸಂಯೋಜಿಸಿದ್ದಾರೆ. ಬೆಂಗಳೂರು, ಹೊಸಕೋಟೆ ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ.