Advertisement
ರೇವತಿ ಕಲ್ಯಾಣ್ ಕುಮಾರ್ ಕೂಡಾ ನಟಿಯಾಗಿ ಚಿತ್ರರಂಗದಲ್ಲಿ ಹಲವು ಚಿತ್ರಗಳ ಮೂಲಕ ಗುರುತಿಸಿಕೊಂಡಿದ್ದರು. “ರಾಜಲಕ್ಷ್ಮೀ’ಚಿತ್ರದ ಮೂಲಕ ನಟಿಯಾಗಿ ಚಿತ್ರರಂಗಕ್ಕೆ ಬಂದ ರೇವತಿಯವರು ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರು. ಸಿನಿಮಾ ನಟನೆಯ ಜೊತೆಗೆ ನಿರ್ಮಾಪಕಿಯಾಗಿಯೂ ರೇವತಿ ಕಲ್ಯಾಣ್ ಕುಮಾರ್ ಗುರುತಿಸಿಕೊಂಡಿದ್ದರು. ತಮ್ಮದೇ ನಿರ್ಮಾಣ ಸಂಸ್ಥೆ ಹುಟ್ಟುಹಾಕಿ ಆ ಮೂಲಕ ಅನೇಕ ಚಿತ್ರಗಳನ್ನು ಕೂಡಾ ನಿರ್ಮಿಸಿದ್ದರು. “ಮನೆಗೆ ಬಂದ ಮಹಾಲಕ್ಷ್ಮೀ’, “ಎಂದೂ ನಿನ್ನವನೆ’, “ಕಲ್ಲು ಸಕ್ಕರೆ’, “ಪ್ರವಾಸಿ ಮಂದಿರ’ ಸೇರಿದಂತೆ ಅನೇಕ ಚಿತ್ರಗಳನ್ನು ನಿರ್ಮಿಸಿದ್ದರು. ನಟನೆ, ನಿರ್ಮಾಣದ ಜೊತೆಗೆ ಒಳ್ಳೆಯ ಬರಹಗಾರ್ತಿಯಾಗಿಯೂ ಗುರುತಿಸಿಕೊಂಡಿದ್ದರು. ಹಲವು ಕಥೆ, ಕಾದಂಬರಿಗಳನ್ನು ಕನ್ನಡ ಹಾಗೂ ತೆಲುಗಿನಲ್ಲಿ ರಚಿಸಿದ್ದಾರೆ.