ಕಸದಲ್ಲಿ ಕಲಾಂ, ದೇವೇಗೌಡರ ಅಮೂಲ್ಯ ಚಿತ್ರ

ಬೆಂಗಳೂರು: ನೃಪತುಂಗ ರಸ್ತೆಯಲ್ಲಿರುವ ರಾಜ್ಯ ಪೊಲೀಸ್‌ ಮಹಾನಿರ್ದೇಶಕ ಕಚೇರಿ ಮುಖ್ಯ ದ್ವಾರದ ಹೊರಗಡೆ ಮರದ ಕೆಳಗೆ ಮಾಜಿ ರಾಷ್ಟ್ರಪತಿ ಭಾರತರತ್ನ ದಿವಂಗತ ಡಾ. ಎಪಿಜೆ ಅಬ್ದುಲ್‌ ಕಲಾಂ ಹಾಗೂ ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡರ ಇರುವ ಹಿರಿಯ ಪೊಲೀಸ್‌ ಅಧಿಕಾರಿಗಳೊಂದಿಗಿನ ಹಳೆಯ ಗ್ರೂಪ್‌ ಫೋಟೋಗಳು ಬುಧವಾರ ಸಂಜೆ ಉದಯವಾಣಿ ಕ್ಯಾಮರಾ ಕಣ್ಣಿಗೆ ಸಿಕ್ಕವು. ಮಾಜಿ ರಾಷ್ಟ್ರಪತಿ ಅಬ್ದುಲ್‌ ಕಲಾಂ ಅವರು ಇರುವ ಫೋಟೋದಲ್ಲಿ 2005ರಲ್ಲಿ ನಡೆದ ಎಲ್ಲ ರಾಜ್ಯಗಳ ಪೊಲೀಸ್‌ ಮಹಾನಿರ್ದೇಶಕರ ಸಮ್ಮೇಳನದ ಉಲ್ಲೇಖವಿದೆ. ಆದರೆ, ಎಚ್‌.ಡಿ. ದೇವೇಗೌಡರು ಇರುವ ಫೋಟೋ ಯಾವ ಸಂದರ್ಭದ್ದು ಎಂದು ಗೊತ್ತಾಗಿಲ್ಲ. ಇದರ ಜೊತೆಗೆ ಇನ್ನೂ ಕೆಲವು ಹಳೆಯ ಫೋಟೋಗಳು ರಸ್ತೆಯ ಕಸದಲ್ಲಿ ಬಿದ್ದಿದ್ದವು.