ಓರ್ವ ಕೊಲೆ ಆರೋಪಿ ಬಂಧನ

ಕಲಬುರಗಿ: ನಗರದ ಎಂಎಸ್‌ ಕೆ ಮಿಲ್‌ ಸಮೀಪ ಮಾ.31ರಂದು ನಡೆದ ಸೋಹೆಲ್‌ ಜಾಕೀರ್‌ ಹುಸೇನ್‌ ಫೂಲ್‌ವಾಲೆ (20) ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಘವೇಂದ್ರ ಪೊಲೀಸ್‌ ಠಾಣೆಯ ಪೊಲೀಸರು ಓರ್ವನನ್ನು ಬಂಧಿಸಿದ್ದಾರೆ.

ಬಂಧಿತನನ್ನು ಜುಬೇರ್‌ ಹುಸೇನ್‌ ಜಾಕೀರ್‌ ಹುಸೇನ್‌ ಎಂದು ಗುರುತಿಸಲಾಗಿದೆ. ಬಂಧಿತ ಜುಬೇರ್‌, ಹಳೆಯ ವೈಷಮ್ಯದಿಂದಾಗಿ ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿ ಪರಾರಿಯಾಗಿದ್ದ.

ಒಂದು ತಿಂಗಳಿಂದ ದಕ್ಷಿಣ ಉಪ ವಿಭಾಗದ ಎಸಿಪಿ ಎಸ್‌ .ಬಿ.ಗಿರೀಶ್‌ ಮಾರ್ಗದರ್ಶನದಲ್ಲಿ ರಾಘವೇಂದ್ರ ಪೊಲೀಸ್‌ ಠಾಣೆಯ ಸಿಪಿಐ ನೇತೃತ್ವದಲ್ಲಿ ಪೇದೆಗಳಾದ ಸಿಕ್ರೇಶ್ವರ, ಲಕ್ಷ್ಮೀ ಕಾಂತ, ಕಾನ್‌ಸ್ಟೆಬಲ್‌ಗ‌ಳಾದ ರಮೇಶ ಚವ್ಹಾಣ, ಕಿಶೋರ ಜಾಧವ, ಮುಜಾಹಿದ್‌ ಕೊತ್ವಾಲ್‌ ಅತ್ಯಂತ ಯಶಸ್ವಿ ಕಾರ್ಯಾಚರಣೆ ಮಾಡಿ ಕೊನೆಗೆ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಬಂಧಿತನನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಕೊಲೆಗೆ ಬಳಕೆ ಮಾಡಲಾದ ಮಾರಕಾಸ್ಟ್ರಗಳನ್ನು ಕೂಡ ವಶ ಪಡಿಸಿಕೊಳ್ಳಲಾಗಿದೆ.