Kalaburagi; ಬಸ್- ಆಟೋ ನಡುವೆ ಡಿಕ್ಕಿಯಾಗಿ ಮೂವರ ಸಾವು

ಕಲಬುರಗಿ: ನಗರದ ಹೊರ ವಲಯ ಕೇಂದ್ರ ಕಾರಾಗೃಹ ಬಳಿ ಬಸ್ ಹಾಗೂ ಆಟೋ ನಡುವೆ ಸಂಭವಿಸಿದ ಡಿಕ್ಕಿ ಅಪಘಾತದಲ್ಲಿ ಮೂವರು ಸಾವನ್ನಪ್ಪಿದ ದುರ್ಘಟನೆ ನಡೆದಿದೆ.

ಆಟೋ ಡ್ರೈವರ್ ಸೇರಿ ಮೂವರ ಸಾವನ್ನಪ್ಪಿದ್ದಾರೆ.‌ ಚಂದ್ರಕಲಾ ಗಂಡ ತಿಪ್ಪಣ್ಣ ಇಜೇರಿ (30 ವ) ದೇವಕಿ ತಂದೆ ರಾಜೇದ್ರ ಇಜೇರಿ (20 ವ) ಹಾಗೂ ಚಾಲಕ ಪ್ರಲ್ಹಾದ ತಂದೆ ರಾಣಪ್ಪ ಕಟ್ಟಿಮನಿ (28 ವ) ಎನ್ನುವರೇ ಮೃತಪಟ್ಟಿದ್ದಾರೆ.‌

ಅಪಘಾತದಲ್ಲಿ ಆಟೋ ನುಜ್ಜುಗುಜ್ಜಾಗಿದ್ದು, ಗುರುತು ಸಿಗದಂತಾಗಿದೆ.‌ ಚಾಲಕ ಖಣದಾಳ ಗ್ರಾಮದವನಾಗಿದ್ದರೆ ಇಬ್ಬರು‌ ಮಹಿಳೆಯರು ಇಟಗಾ ಗ್ರಾಮದವರಾಗಿದ್ದಾರೆ.

ಇದೇ ಘಟನೆಯಲ್ಲಿ ಇನ್ನಿಬ್ಬರು ಗಾಯಗೊಂಡಿದ್ದಾರೆ. ಘಟನಾ ಸ್ಥಳಕ್ಕೆ ಕಲಬುರಗಿ ಮಹಾನಗರ ಸಂಚಾರಿ ಠಾಣಾ ಪೊಲೀಸ್ ಅಧಿಕಾರಿಗಳು ತೆರಳಿ ಪರಿಶೀಲನೆ ನಡೆಸಿದ್ದಾರೆ.‌