ಬಂಡವಾಳ ಹೂಡಿಕೆ: ತರಾತುರಿ ನಿರ್ಧಾರ ಖಂಡಿಸಿ ನಿರಶನ

ಕಲಬುರಗಿ: ಬಂಡವಾಳ ಹೂಡಿಕೆದಾರರನ್ನು ಆಕರ್ಷಿಸಲು ಏಕಪಕ್ಷೀಯವಾಗಿ ಹಾಗೂ ತರಾತುರಿಯಲ್ಲಿ ಬಹು ಮುಖ್ಯವಾಗಿ ಯಾವುದೇ ಕಾರ್ಮಿಕ ಸಂಘಟನೆಗಳ ಜತೆ ಚರ್ಚಿಸದೇ ಇರುವುದನ್ನು ಖಂಡಿಸಿ ಕರ್ನಾಟಕ ಪ್ರದೇಶ ಭಾರತೀಯ ಮಜ್ದೂರ್‌ ಸಂಘ ಬುಧವಾರ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿತು.

ಈಗಾಗಲೇ ಸಾಮಾಜಿಕ, ಆರ್ಥಿಕವಾಗಿ ಜರ್ಜರಿತವಾಗಿರುವ ಕಾರ್ಮಿಕ ಸಮುದಾಯಕ್ಕೆ ಅನಿಶ್ವತೆಯ ಪೆಟ್ಟು ಕೊಡಲು ಮುಂದಾಗಿರುವ ಕೆಲ ರಾಜ್ಯಗಳ ನಡೆ ದುರದೃಷ್ಟಕರ. ಸರಕಾರಗಳು ಕಾರ್ಮಿಕರಿಗೆ ಆತ್ಮಸ್ಥೈರ್ಯ ತುಂಬಿ ದೇಶ ಕಟ್ಟು ಕಾರ್ಯಕ್ಕೆ ಪ್ರೇರೇಪಿಸಬೇಕು ಎಂದು ಆಗ್ರಹಿಸಿದರು. ಶರಣಬಸಪ್ಪ ಮಮಶೆಟ್ಟಿ, ಮೆಘರಾಜ ಕಠಾರೆ, ಅಲ್ತಾಫ್‌ ಹುಸೈನ್‌, ನಾಗಯ್ಯ ಸ್ವಾಮಿ, ಸುಗಣ್ಣಾ, ಶಂಕರ, ಸರಶಿವರಾವ, ಶಿವನಂದ ಮತ್ತಪತಿ, ದುರಗಪ್ಪ, ಮೊಹನ್‌ ಗಂಜಿ ಇದ್ದರು.