ರೋಹಿತ್‌ ಮೇಲೆ ದಕ್ಷಿಣ ಭಾರತದ ನಟಿಗೆ ಕ್ರಶ್ !

ಚೆನ್ನೈ: ದಕ್ಷಿಣ ಭಾರತದ ಖ್ಯಾತ ನಟಿ ಕಾಜಲ್‌ ಅಗರ್ವಾಲ್‌ಗೆ ಭಾರತ ಕ್ರಿಕೆಟ್‌ ತಂಡದ ತಾರಾ ಕ್ರಿಕೆಟಿಗರೊಬ್ಬರ ಮೇಲೆ ಕ್ರಶ್‌ ಆಗಿದೆಯಂತೆ. ಸ್ವತಃ ಈ ವಿಷಯವನ್ನು ಕಾಜೋಲ್‌ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದನ್ನು
ಮಾಧ್ಯಮವೊಂದು ವರದಿ ಮಾಡಿದೆ.

ಆ ಕ್ರಿಕೆಟಿಗ ಬೇರ್ಯಾರೂ ಅಲ್ಲ, ಭಾರತ ಕ್ರಿಕೆಟ್‌ ಕಂಡ ಶ್ರೇಷ್ಠ ಕ್ರಿಕೆಟಿಗರಲ್ಲಿ ಒಬ್ಬರಾಗಿರುವ, “ಹಿಟ್‌ ಮ್ಯಾನ್‌’ ಖ್ಯಾತಿಯ ರೋಹಿತ್‌ ಶರ್ಮ. “ನಾನು ರೋಹಿತ್‌ ಶರ್ಮ ಅವರ ದೊಡ್ಡ ಅಭಿಮಾನಿ, ಅವರನ್ನು ಕಂಡರೆ ಒಂಥರ ಪ್ರೀತಿ, ಕ್ರಶ್‌. ಅವರು ಆಡುವ ಎಲ್ಲ ಪಂದ್ಯಗಳನ್ನು ತಪ್ಪದೇ ನೋಡುತ್ತೇನೆ’ ಎಂದು ಕಾಜಲ್‌ ತಿಳಿಸಿದ್ದಾರೆ. ಸದ್ಯ ಸಾಗುತ್ತಿರುವ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ (ಐಪಿಎಲ್‌) ಕೂಟದಲ್ಲಿ ರೋಹಿತ್‌ ಶರ್ಮ ಮುಂಬೈ ಇಂಡಿಯನ್ಸ್‌ ತಂಡ ಮುನ್ನಡೆಸುತ್ತಿದ್ದಾರೆ.