ಏಕಾಗ್ರತೆಯನ್ನು ಹೆಚ್ಚಿಸಬಲ್ಲ ಆಟ ಕಬಡ್ಡಿ: ಡಿವೈಎಸ್ಪಿ

ಬದಿಯಡ್ಕ: ಕಬಡ್ಡಿ ಫ್ರೆಂಡ್ಸ್‌ ಮಾನ್ಯ ಇದರ ವತಿಯಿಂದ 3ನೇ ವರ್ಷದ ಸುಬ್ಬಯ್ಯ ಮಾಸ್ತರ್‌ ಸ್ಮರಣಾರ್ಥ ನಡೆದ ಕಬಡ್ಡಿ ಪಂದ್ಯಾಟವನ್ನು ಡಿವೈಎಸ್‌ಪಿ ಹರಿಶ್ಚಂದ್ರ ನಾಯ್ಕ ಉದ್ಘಾಟಿಸಿದರು. ಶಾರೀರಿಕ ದೃಢತೆಯೊಂದಿಗೆ ಮನಸ್ಸಿನ ಏಕಾಗ್ರತೆಯನ್ನು ಹೆಚ್ಚಿಸಬಲ್ಲ ಆಟ ಕಬಡ್ಡಿಯಾಗಿದ್ದು ಬಹಳ ಹಿಂದಿನ ಕಾಲದಿಂದಲೇ ಜನಜನಿತವಾಗಿದ್ದ ಈ ಆಟ ಜನರನ್ನು ತನ್ನ ಹೊಸ ಆಯಾಮದೊಂದಿಗೆ ತನ್ನೆಡೆಗೆ ಆಕರ್ಷಿಸುತ್ತಿರುವುದು ಉತ್ತಮ ಬೆಳವಣಿಗೆ ಎಂದು  ಹೇಳಿದರು.

ಮಾನ ಮಾಸ್ತರ್‌ ಮಾನ್ಯ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯ ಕ್ರಮದಲ್ಲಿ ಕಾಸರಗೋಡು ಬ್ಲಾಕ್‌ ಪಂ. ಸದಸ್ಯ ಅವಿನಾಶ್‌ ರೈ ಬದಿಯಡ್ಕ, ಜಗದೀಶ್‌ ಕುಂಬಳೆ, ಸುಂದರ ಶೆಟ್ಟಿ ಕೊಲ್ಲಂಗಾನ, ಸಾಮ್ರಾಟ್‌ ಕ್ಲಬ್‌ನ ಅಧ್ಯಕ್ಷ ರಂಜಿತ್‌ ಯಾದವ್‌, ಯೂತ್‌ ಕಮಿಷನ್‌ನ ಖಾದರ್‌ ಮಾನ್ಯ ಶುಭಾಶಂಸನೆಗೈದರು.  ಶ್ಯಾಮ್‌ ಪ್ರಸಾದ್‌ ಮಾನ್ಯ ಸ್ವಾಗತಿಸಿದರು. ರವೀಶ್‌ ವಂದಿಸಿದರು.