ಕೆ.ಪಿ. ರಾವ್‌ ಅವರಿಗೆ ಕಾರಂತ ಬಾಲವನ ಪ್ರಶಸ್ತಿ

ಪುತ್ತೂರು: ಕಂಪ್ಯೂಟರ್‌ಗೆ ಕನ್ನಡ ಪರಿಚಯಿಸಿದ ವಿಜ್ಞಾನಿ, “ಕೆ.ಪಿ. ರಾವ್‌ ಕೀಲಿಮಣೆ’ ವಿನ್ಯಾಸ ತಜ್ಞ ಕಿನ್ನಿಕಂಬಳ ಪದ್ಮನಾಭ ರಾವ್‌ ಅವರಿಗೆ 11ನೇ ವರ್ಷದ ಬಾಲವನ ಪ್ರಶಸ್ತಿಯನ್ನು ಅ. 10ರಂದು ಪರ್ಲಡ್ಕದಲ್ಲಿರುವ ಡಾ| ಶಿವರಾಮ ಕಾರಂತ ಬಾಲವನದಲ್ಲಿ ಪ್ರದಾನ ಮಾಡಲಾ ಗುವುದು ಎಂದು ಪುತ್ತೂರು ಸಹಾಯಕ ಆಯುಕ್ತ ಡಾ| ಯತೀಶ್‌ ಉಳ್ಳಾಲ್‌ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

ಕಂಪ್ಯೂಟರ್‌, ಟ್ಯಾಬ್ಲೆಟ್‌, ಮೊಬೈಲ್‌ಗ‌ಳಲ್ಲಿ ಬಳಸುವ ಕನ್ನಡ ಕೆ.ಪಿ. ರಾಯರು ಅಭಿವೃದ್ಧಿಪಡಿಸಿದ ಕೀಲಿಮಣೆ ವಿನ್ಯಾಸವನ್ನು ಅವಲಂಬಿಸಿದೆ. ತನ್ನ ಈ ಸಂಶೋಧನೆಗಾಗಿ ಪೇಟೆಂಟನ್ನೂ ಪಡೆಯದೆ ಅದನ್ನು ಕನ್ನಡಕ್ಕಾಗಿ ಸಮರ್ಪಿಸಿದ ಮಹಾನುಭಾವರಾದ ಇವರಿಗೆ ಅರ್ಹವಾಗಿಯೇ ಪ್ರಶಸ್ತಿ ಸಲ್ಲುತ್ತಿದೆ.

ಇದನ್ನೂ ಓದಿ:ಇನ್ಫಿ, ವಿಪ್ರೋ ಉದ್ಯೋಗಿಗಳಿಗೆ ಸೆಬಿ ನಿರ್ಬಂಧ

ಡಾ| ಕುರಂಜಿ ವೆಂಕಟ್ರಮಣ ಗೌಡರ ಹೆಸರಿನ ದತ್ತಿನಿಧಿಯಿಂದ ಹಾಗೂ ಬಾಲವನದ ವತಿಯಿಂದ ನೀಡಲ್ಪಡುವ ಈ ಪ್ರಶಸ್ತಿಯು 25,000 ಸಾವಿರ ರೂ. ನಗದು, ಸ್ಮರಣಿಕೆ, ಸಮ್ಮಾನ ಪತ್ರವನ್ನು ಹೊಂದಿರುತ್ತದೆ. ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ಎಸ್‌. ಅಂಗಾರ ಉಪಸ್ಥಿತಿಯಲ್ಲಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವ ವಿ. ಸುನಿಲ್‌ ಕುಮಾರ್‌ ಅವರು ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ ಎಂದರು.