ಮಾ.1 ಮತ್ತು 2 ರಂದು ಆಕಾಶದಲ್ಲಿ ಗುರು-ಶುಕ್ರ ಗ್ರಹಗಳ ಜೋಡಾಟ

ಉಡುಪಿ: ಕಣ್ಣಿಗೆ ಕಾಣುವ ಗ್ರಹಗಳಾದ ಗುರು ಹಾಗೂ ಶುಕ್ರ ಗ್ರಹಗಳ ಜೋಡಾಟ ಆಕಾಶದಲ್ಲಿ ನಡೆಯುತ್ತಿದ್ದು, ಮಾ. 1ಮತ್ತು 2 ರಂದು ಸಂಜೆ ಸಮಯದಲ್ಲಿ ಪಶ್ಚಿಮ ಆಕಾಶದಲ್ಲಿ ಎರಡೂ ಗ್ರಹಗಳು ಸುಂದರವಾಗಿ ಗೋಚರವಾಗಲಿವೆ ಎಂದು ಭೌತಶಾಸ್ತ್ರಜ್ಞ ಡಾ| ಎ.ಪಿ. ಭಟ್‌ ತಿಳಿಸಿದ್ದಾರೆ.

ಇದೊಂದು ಅಪರೂಪದ ಖಗೋಳ ವಿದ್ಯಮಾನವಾಗಿದ್ದು, ಶುಕ್ರ ಗ್ರಹವು 20.5 ಕೋಟಿ ಕಿ. ಮೀ ದೂರದಲ್ಲಿದೆ. ಗುರು ಗ್ರಹ 86 ಕೋಟಿ ಕಿ.ಮೀ. ದೂರದಲ್ಲಿದೆ. ಗುರು ಗ್ರಹದ ಗಾತ್ರ ಶುಕ್ರ ಗ್ರಹಕ್ಕಿಂತ 1,400 ಪಟ್ಟು ದೊಡ್ಡದಿದೆ. ಸ್ವಯಂ ಪ್ರಭೆ ಇಲ್ಲದ ಈ ಗ್ರಹದ ವಾತಾವರಣದಲ್ಲಿರುವ ಕಾರ್ಬನ್‌ ಅಕ್ಸೆ„ಡ್‌ ಹಾಗೂ ಸಲ್ಫರ್ ಡೈಆಕ್ಸೆ„ಡ್‌ನ‌ ತೆಳು ಕವಚ 80 ಅಂಶ ಸೂರ್ಯನ ಬೆಳಕನ್ನು ಪ್ರತಿಫ‌ಲಿಸುತ್ತದೆ. ಶುಕ್ರ ಗ್ರಹವು ಆಗಸ್ಟ್‌ ವರೆಗೂ ಬೇರೆಬೇರೆ ಎತ್ತರದಲ್ಲಿ ಗೋಚರಿಸಲಿದ್ದು, ಗುರು ಗ್ರಹ ಕೆಲವೇ ದಿನಗಳಲ್ಲಿ ಮರೆಯಾಗಲಿದೆ ಎಂದು ಅವರು ತಿಳಿಸಿದ್ದಾರೆ.