ಆರ್‌ಜೆಡಿ ಬಾಸ್‌ ಬೆಂಬಲಿಗರ ಕರೆ ಬಂದಿತ್ತು ಎಂದ ಜಡ್ಜ್

ರಾಂಚಿ: “ನನಗೆ ಆರ್‌ಜೆಡಿ ಮುಖ್ಯಸ್ಥರ ಕಡೆಯವರಿಂದ ಫೋನ್‌ ಬಂದಿತ್ತು’ ಹೀಗೆಂದು ಹೇಳಿದ್ದು ರಾಂಚಿಯ ಸಿಬಿಐ ವಿಶೇಷ ಕೋರ್ಟ್‌ ಜಡ್ಜ್ ಶಿವಪಾಲ್‌ ಸಿಂಗ್‌. ಮೇವು ಹಗರಣದಲ್ಲಿ ಬಿಹಾರದ ಮಾಜಿ ಸಿಎಂ ಲಾಲು ಪ್ರಸಾದ್‌ ಯಾದವ್‌ಗೆ ಶಿಕ್ಷೆ ಪ್ರಮಾಣ ಘೋಷಣೆ ಮಾಡುವ ಮುನ್ನವೇ ಅವರು ಕೋರ್ಟ್‌ ಹಾಲ್‌ನಲ್ಲಿ ಈ ಮಾತುಗಳನ್ನಾಡಿದ್ದಾರೆ. ಆದರೆ ಅವರು ಯಾರು ಎಂಬ ವಿವರಗಳನ್ನು ನೀಡಿಲ್ಲ. ಬಳಿಕ ಶಿಕ್ಷೆಯ ಪ್ರಮಾಣ ಘೋಷಣೆಯನ್ನು ಶುಕ್ರವಾರಕ್ಕೆ ಮುಂದೂಡಿದ್ದಾರೆ. 

ತಬಲಾ ಬಾರಿಸಿ: ಕೋರ್ಟಲ್ಲಿ ಹಾಜರಿದ್ದ ಲಾಲು ತಮಗೆ ಜೈಲಲ್ಲಿ ಚಳಿಯಾಗುತ್ತಿದೆ ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ನ್ಯಾಯಾಧೀಶರು “ಹಾಗಿದ್ದರೆ ನೀವು ತಬಲಾ ಬಾರಿಸಿ’ ಎಂದರು. ಆರ್‌ಜೆಡಿ ಮುಖ್ಯಸ್ಥ ಸರಿಯಾಗಿ ವರ್ತಿಸಲಿಲ್ಲ ಎಂದು ನ್ಯಾಯಾಧೀಶರು ಹೇಳಿದ್ದಕ್ಕೆ “ನಾನೂ ವಕೀಲನಾಗಿದ್ದೆ’ ಎಂದು ಲಾಲು ಮರು ಪ್ರತಿಕ್ರಿಯೆ ನೀಡಿದರು.