ಇಂದಿನಿಂದ ಊರ್ಜಾ ಸುರಂಗ ಪಯಣ

ಬೆಂಗಳೂರು: ಟನೆಲ್‌ ಬೋರಿಂಗ್‌ ಮಷಿನ್‌ (ಟಿಬಿಎಂ) “ಊರ್ಜಾ’ ಬುಧವಾರದಿಂದ ಎರಡನೇ ಹಂತದ ಸುರಂಗ ಪಯಣವನ್ನು ಬುಧವಾರದಿಂದ ಆರಂಭಿಸಲಿದೆ.

ನಮ್ಮ ಮೆಟ್ರೋ ಎರಡನೇ ಹಂತದ ಯೋಜನೆ ಅಡಿ ಕಂಟೋನ್ಮೆಂಟ್‌ನಿಂದ ಶಿವಾಜಿನಗರ ನಡುವಿನ ಮೊದಲ ಸುರಂಗವನ್ನು ಕಳೆದ ಸೆಪ್ಟೆಂಬರ್‌ನಲ್ಲೇ ಟಿಬಿಎಂ ಊರ್ಜಾ ಪೂರ್ಣಗೊಳಿಸಿತ್ತು. ನಂತರದಲ್ಲಿ ಎಂಜಿನಿಯರ್‌ಗಳು, ತಾಂತ್ರಿಕ ಸಿಬ್ಬಂದಿ ಅದನ್ನು ಹೊರತೆಗೆದು, ಬಿಡಿಭಾಗಗಳನ್ನು ಮರುಜೋಡಣೆ ಮಾಡಿ ಮತ್ತೂಂದು ಮಾರ್ಗದ ಪಯಣಕ್ಕೆ ಸಜ್ಜುಗೊಳಿಸಿದ್ದಾರೆ.

ಇದನ್ನೂ ಓದಿ;- ಭಾರತದಲ್ಲಿ 24ಗಂಟೆಗಳಲ್ಲಿ 6,317 ಕೋವಿಡ್ ಪ್ರಕರಣ ಪತ್ತೆ,ಒಮಿಕ್ರಾನ್ ಸಂಖ್ಯೆ 213ಕ್ಕೆ ಏರಿಕೆ

ಅದರಂತೆ ಈ ಯಂತ್ರವು ಬುಧವಾರ (ಡಿ. 22)ದಿಂದ ನಗರದ ಕಂಟೋನ್ಮೆಂಟ್‌ನಿಂದ ಪಾಟರಿಟೌನ್‌ ನಡುವೆ ಸುಮಾರು 907 ಮೀಟರ್‌ ಉದ್ದದ ಸುರಂಗ ಕೊರಯುವ ಕಾರ್ಯ ಆರಂಭಿಸಲಿದೆ ಎಂದು ಬಿಎಂಆರ್‌ಸಿಎಲ್‌ ಪ್ರಕಟಣೆಯಲ್ಲಿ ತಿಳಿಸಿದೆ.