ಟೀಂ ಇಂಡಿಯಾ ಮಾಜಿ ಕೋಚ್ ಜಾನ್‌ ರೈಟ್‌ ಡರ್ಬಿಗೆ ಅಧ್ಯಕ್ಷ

ಮ್ಯಾಂಚೆಸ್ಟರ್‌: ನ್ಯೂಜಿಲೆಂಡ್‌ ಮಾಜಿ ಕ್ರಿಕೆಟಿಗ ಜಾನ್‌ ರೈಟ್‌ ಖ್ಯಾತ ಕ್ರಿಕೆಟ್‌ ಕ್ಲಬ್‌ ಡರ್ಬಿಶೈರ್‌ ಕ್ರಿಕೆಟ್‌ ಕ್ಲಬ್‌ಗ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಹೆರಾಲ್ಡ್‌ ರೋಡ್ಸ್‌ ಬದಲಿಗೆ ಅಧ್ಯಕ್ಷರಾಗಿ ಜಾನ್ ರೈಟ್ ನೇಮಕಗೊಂಡಿದ್ದಾರೆ. ಜಾನ್‌ ರೈಟ್‌ ತಮ್ಮ ವೃತ್ತಿ ಜೀವನದಲ್ಲಿ ಕ್ರಿಕೆಟಿಗನಾಗಿ ಒಟ್ಟಾರೆ ಎಲ್ಲ ಮಾದರಿ ಕ್ರಿಕೆಟ್‌ ಸೇರಿ 9 ಸಾವಿರ ರನ್‌ ಬಾರಿಸಿದ್ದಾರೆ. ನ್ಯೂಜಿಲೆಂಡ್‌ ಪರ 14 ಟೆಸ್ಟ್‌, 31 ಏಕದಿನ ಪಂದ್ಯವನ್ನಾಡಿದ್ದಾರೆ.

2000ನೇ ಇಸವಿಯಲ್ಲಿ ಭಾರತ ತಂಡದ ಮುಖ್ಯ ಕೋಚ್‌ ಆಗಿ ಕಾರ್ಯ ನಿರ್ವಹಿಸಿದ್ದರು. ಇವರ ಕೋಚಿಂಗ್ ನಲ್ಲಿ ಟೀಂ ಇಂಡಿಯಾ 2003ರ ವಿಶ್ವಕಪ್ ನಲ್ಲಿ ಫೈನಲ್ ತಲುಪಿತ್ತು. ಇದಕ್ಕೂ ಮೊದಲು ದೇಶೀಯ ಕ್ರಿಕೆಟ್‌ ತಂಡಗಳಿಗೂ ಕೋಚ್‌ ಆಗಿ ಕಾರ್ಯ ನಿರ್ವಹಿಸಿದ ಅನುಭವ ಹೊಂದಿದ್ದಾರೆ.