Jharkhand CM ಹೇಮಂತ್‌ ಸೊರೇನ್‌ ಬೇಕಲದಲ್ಲಿ

ಮಂಗಳೂರು : ಝಾರ್ಖಂಡ್‌ ಮುಖ್ಯಮಂತ್ರಿ ಯಾಗಿ ಇತ್ತೀಚೆಗೆ ಅಧಿಕಾರ ಸ್ವೀಕರಿಸಿದ್ದ ಹೇಮಂತ್‌ ಸೊರೇನ್‌ ವಿಶ್ರಾಂತಿ ಪಡೆಯಲು ಮಂಗಳವಾರ ಕಾಸರಗೋಡು ಸಮೀಪದ ಬೇಕಲದಲ್ಲಿರುವ ತಾಜ್‌ ರೆಸಾರ್ಟ್‌ಗೆ ತೆರಳಿದ್ದಾರೆ.

ಇಂಧೋರ್‌ನಿಂದ ವಿಶೇಷ ವಿಮಾನದಲ್ಲಿ ಸಂಜೆ 7 ಗಂಟೆಗೆ ಮಂಗಳೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಹೇಮಂತ್‌ ಸೊರೇನ್‌, ಪತ್ನಿ ಹಾಗೂ ಇತರರನ್ನು ಮಂಗಳೂರಿನಲ್ಲಿ ದ.ಕ. ಜಿಲ್ಲಾಡಳಿತದ ಅಧಿಕಾರಿಗಳು ಬರಮಾಡಿಕೊಂಡರು. ಬಳಿಕ ಅವರು ಝಡ್‌ ಪ್ಲಸ್‌ ಭದ್ರತೆಯೊಂದಿಗೆ ರಸ್ತೆ ಮೂಲಕ ಕಾಸರಗೋಡು ಸಮೀಪದ ಬೇಕಲಕ್ಕೆ ತೆರಳಿದರು. 2 ದಿನ ವಿಶ್ರಾಂತಿ ಪಡೆಯಲಿರುವ ಸೊರೇನ್‌ ಡಿ.19ರಂದು ಮಂಗಳೂರು ಏರ್‌ಪೋರ್ಟ್‌ಗೆ ಆಗಮಿಸಿ ಝಾರ್ಖಂಡ್‌ ಮರಳುವ ಸಾಧ್ಯತೆಯಿದೆ.